فرانس نے دفاعی نمائش میں شرکت سے روک دیا ، اسرائیلی سیخ پا

اس قسم کے اشتعال انگیز واقع کی کوئی نظیر نہیں ملتی،اسرائیلی وزارت دفاع

پیر 16 جون 2025 17:10

تل ابیب /پیرس (اُردو پوائنٹ اخبارتازہ ترین - این این آئی۔ 16 جون2025ء)پیرس میں ہونے والی عالمی دفاعی نمائش میں فرانس نے اسرائیلی پویلین کے اردگرد دیواریں کھڑی کرکے اسرائیلی کمپنیوں کو نمائش میں شرکت سے روک دیا۔غیر ملکی میڈیا کے مطابق فرانس کی جانب سے پیرس میں ہونے والی دفاعی نمائش میں اسرائیلی کمپنیوں کو نمائش میں شرکت سے روکتے ہوئے اسرائیلی پولینز کو کالی دیواروں سے چھپادیا گیا۔

فرانس میں ہونے والے واقعے پر اسرائیلی وزارت دفاع کے ڈائریکٹر امیر برام نے فرانسیسی حکومت کے فیصلے پر غم و غصے کا اظہار کرتے ہوئے اس فیصلے کو جانبداری سے تعبیر کیا ہے۔اسرائیلی عہدے دار نے مزید الزام لگایا کہ فرانسیسی حکومت کے اس اقدام سے اسرائیلی دفاعی مصنوعات کو فرانسیسی مصنوعات کے مقابلے سے بچانے کیلیے اٹھایا گیا ہے۔

(جاری ہے)

اسرائیلی وزارت دفاع کی جانب سے مزید بتایا گیا کہ فرانس نے اسرائیلی حکومت سے مطالبہ کیا تھا کہ اپنے جارحانہ ہتھیاروں کو نمائش میں شامل نہ کریں، جبکہ گزشتہ روز تاریخی پیرس ایئر شو کے انعقاد سے صرف ایک رات پہلے نمائش کی انتظامیہ نے فرانسیس حکومت کی طرف سے اسرائیلی پویلین کو بلاک کردیا۔

اسرائیلی وزارت دفاع نے غصے کا اظہار کرتے ہوئے کہا کہ اس قسم کے اشتعال انگیز واقع کی کوئی نظیر نہیں ملتی۔دوسری جانب گزشتہ روز فرانسیسی وزیرِ خارجہ جین بیروٹ نیکہا ہے کہ ایران اسرائیل جنگ میں اسرائیل کے دفاع میں فرانسیسی فوج اور وسائل کو استعمال نہیں کیا جائے گا۔