اسٹیٹ بینک کا شرح سود 11 فیصد پر برقرار رکھنے کا فیصلہ

پیر 16 جون 2025 18:07

کراچی (اُردو پوائنٹ اخبارتازہ ترین - این این آئی۔ 16 جون2025ء)اسٹیٹ بینک آف پاکستان نے مانیٹری پالیسی کا اعلان کرتے ہوئے شرح سود 11 فیصد پر برقرار رکھنے کا فیصلہ کیا ہے۔میڈیارپورٹ کے مطابق اسٹیٹ بینک آف پاکستان (ایس بی پی) نے شرح سود میں رد و بدل نہ کرنے کا فیصلہ کیا ہے، واضح رہے کہ اس سے قبل اسٹیٹ بینک نے 5 مئی کو شرح سود میں 100 بیسز پوائنٹس یا ایک فیصد کمی کرنے کا فیصلہ کیا تھا جس کے بعد شرح سود 12 فیصد سے کم ہوکر 11 فیصد پر آگئی تھی۔

واضح رہے کہ اسٹیٹ بینک نے اپریل شرح سود 12 فیصد پر برقرار رکھنے کا فیصلہ کیاتھا جبکہ اس سے قبل 27 جنوری 2025 کو اسٹیٹ بینک نے اگلے 2 ماہ کے لیے شرح سود ایک فیصد کم کرنے کا اعلان کیا تھا، جس کے بعد شرح سود 12 فیصد کی سطح پر آگئی تھی۔

(جاری ہے)

قبل ازیں 16 دسمبر 2024 کو اسٹیٹ بینک ا?ف پاکستان نے بڑا فیصلہ کرتے ہوئے شرح سود 200 بیسس پوائنٹس کم کرکے 13 فیصد کرنے کا اعلان کیا تھا۔

یاد رہے کہ جون 2024 کے بعد سے دسمبر 2024 تک مسلسل 6 بار شرح سود کم کی گئی تھی، گزشتہ 8 ماہ کے دوران شرح سود 10 فیصد کم ہوکر 22 فیصد سے اب 12 فیصد کی سطح پر برقرار ہے۔کئی بروکریج ہاؤسز نے پہلے شرح سود میں کمی کی پیش گوئی کی تھی، لیکن اسرائیلی حملوں کے بعد وسیع تر تنازع کے خدشات کے پیش نظر انہوں نے اپنی پیش گوئیاں بدل دیں۔مانیٹری پالیسی کمیٹی نے نوٹ کیا کہ مئی میں مہنگائی کی حالیہ شرح میں سالانہ بنیاد پر 3.5 فیصد کا اضافہ اس کی توقعات کے مطابق تھا، جب کہ بنیادی مہنگائی میں معمولی کمی آئی ہے۔

ہیڈ لائن مہنگائی، جو مئی 2023 میں تقریباً 40 فیصد تھی، کئی مہینوں کی مسلسل کمی کے بعد سالانہ بنیاد پر کم ہو کر 0.3 فیصد کی کم ترین سطح تک پہنچ گئی تھی۔ایس اینڈ پی گلوبل مارکیٹ انٹیلیجنس کے سینئر ماہر معاشیات احمد مبین نے کہا کہ جغرافیائی سیاسی کشیدگی کے تناظر میں عالمی اجناس کی قیمتوں میں اضافے کا خدشہ موجود ہے، جو مہنگائی کے دباؤ کی واپسی کا باعث بن سکتا ہے۔

Facebook Twitter Google + Share on Whatsapp

اسٹیٹ بینک کا شرح سود 11 فیصد پر برقرار رکھنے کا فیصلہ

متعلقہ عنوان :

مزید تجارتی خبریں