اسٹاک مارکیٹ میں نیا ریکارڈ، انڈیکس نے ایک لاکھ 35 ہزار کی حد بھی عبور کرلی

پیر 14 جولائی 2025 12:07

کراچی (اُردو پوائنٹ اخبارتازہ ترین - این این آئی۔ 14 جولائی2025ء)پاکستان اسٹاک ایکسچینج (پی ایس ایکس) میں کاروباری ہفتے کے پہلے روز نیا سنگ میل عبور ہوگیا، کاروبار میں تاریخی تیزی کے باعث 100 انڈیکس 1 لاکھ 35 ہزار کی حد پار کرگیا۔

(جاری ہے)

بازار حصص میں سرمایہ کاروں کے اعتماد میں نمایاں بہتری سے کاروبار کے دوران 100 انڈیکس میں ایک ہزار 207 پوائنٹس کا اضافہ دیکھا گیا جس کے بعد انڈیکس 1 لاکھ 35 ہزار 507 پوائنٹس پر پہنچ گیا۔ٹریڈنگ کے دوران 100 انڈیکس 1 لاکھ 35 ہزار 521 کی بلند ترین سطح پر بھی پہنچا۔گزشتہ ہفتے کے آخری کاروباری دن کے اختتام پر 100 انڈیکس بڑے اضافے کے ساتھ ایک لاکھ 34 ہزار 299 پوائنٹس کی حد پر بند ہوا تھا۔