آئی جی پنجاب کی پولیس ملازمین اور انکے اہلخانہ سے ملاقات، فوری ریلیف کیلئے احکامات جاری

پیر 16 جون 2025 20:40

لاہور (اُردو پوائنٹ اخبارتازہ ترین - اے پی پی۔ 16 جون2025ء) آئی جی پنجاب ڈاکٹر عثمان انور سے سنٹرل پولیس آفس میں پولیس ملازمین اور انکے اہلخانہ نے ملاقاتیں کیں ۔آئی جی نے ملاقات کے دوران مسائل سننے کے بعدفوری ریلیف کیلئے احکامات جاری کیے۔

(جاری ہے)

تفصیلات کے مطابق ڈی ایس پی اللہ یار کی ٹرانسفر کی درخواست پر ڈی آئی جی ہیڈ کوارٹرز پنجاب کو ریلیف کی ہدایت دی جبکہ انسپکٹر محمد اکمل کی پروموشن کی درخواست پر ایڈیشنل آئی جی پنجاب کو ریلیف کی ہدایت دی۔ اسی طرح سب انسپکٹر اکبر علی کی درخواست پر آر پی او گوجرانوالہ کو ریلیف کی ہدایت دی۔ انہوں نے ڈسپلن، ایڈمن، پروموشن، ویلفیئر سے متعلقہ دیگر درخواستوں پر بھی احکامات جاری کئے۔