پاکستان بلیئرڈز اینڈ اسنوکر ایسوسی ایشن مالی بحران کا شکار، حکومت سے فنڈز کی اپیل

منگل 17 جون 2025 19:03

کراچی (اُردو پوائنٹ اخبارتازہ ترین - این این آئی۔ 17 جون2025ء)پاکستان بلیئرڈز اینڈ اسنوکر ایسوسی ایشن (پی بی ایس ای) مالی بحران کا شکار ہوگیا۔پی بی ایس اے نے حکومت پاکستان سے فنڈز جاری کرنے کی اپیل کرتے ہوئے کہاکہ مالی بحران اور فنڈز کی کمی کی وجہ سے مستقبل کے ایونٹس میں شرکت مشکل ہے۔

(جاری ہے)

پی بی ایس اے نے بتایا کہ رواں ماہ میں سری لنکا میں ایشین ٹیم اینڈ 6 ریڈ چیمپئن شپ اور آئندہ ماہ ماریشس میں کامن ویلتھ چیمپئن شپ میں شرکت مشکل ہے جب کہ اگست میں چین میں ہونیوالے ورلڈ گیمز میں بھی فنڈز کی کمی کی وجہ سے شرکت مشکل لگ رہی ہے۔

پی بی ایس اے نے مزید بتایا کہ جولائی 2024 کے بعد سے پی بی ایس اے کو اسپورٹس بورڈ سے کوئی اسپیشل گرانٹ نہیں ملی، ورلڈ چیمپئن شپ سمیت پچھلے 4 ایونٹس میں اپنی مدد آپ کے تحت شرکت کی۔پی بی ایس اے کے مطابق فنڈز کی کمی کی وجہ سے انٹرنیشنل اور ڈومیسٹک کیلنڈر چلانا کافی مشکل ہوگیا ہے، آئی پی سی وزارت سے اپیل کرتے ہیں کہ ہمیں فنڈز کے اجرا میں کردار ادا کرے۔