اردو ادب کے معروف مزاح نگار مشتاق احمد یوسفی کی ساتویں برسی 20جون جمعہ کو منائی جائے گی

منگل 17 جون 2025 21:44

جہانیاں(اُردو پوائنٹ اخبارتازہ ترین - آن لائن۔ 17 جون2025ء)اردو ادب کے معروف مزاح نگار مشتاق احمد یوسفی کی ساتویں برسی 20جون جمعہ کو منائی جائے گی۔ مشتاق احمد یوسفی 4 ستمبر 1921ء جے پور (بھارت) میں پیدا ہوئے تھے۔ انہوں نے مسلم یونیورسٹی علی گڑھ سے ایم اے کیا اور پھر بینکاری کے شعبے کو ذریعہ معاش بنایا۔

(جاری ہے)

وہ کئی بنکوں کے سربراہ رہے اور پاکستان بینکنگ کونسل کے چیئرمین کے عہدے پر بھی فائز رہے۔

ان کی تصانیف میں چراغ تلے، خاکم بدہن، زرگزشت،آب گم اور شام شعر یاراں کے نام شامل ہیں۔ مشتاق احمد یوسفی کو ان کی ادبی خدمات کے اعتراف میں ستارہ امتیاز اور ہلال امتیاز کے اعزازات سے سرفراز کیا گیا تھا جبکہ اکادمی ادبیات پاکستان نے انہیں پاکستان کا سب سے بڑا ادبی اعزاز کمال فن ایوارڈ عطا کیا تھا۔مشتاق احمد یوسفی طویل علالت کے بعد20 جون2018ء کو انتقال کرگئے۔