چین جنوبی ایشیا ایکسپو(آج) سے شروع، پاکستان اپنی مصنوعات کی نمائش کرے گا

کٴْنمنگ(اُردو پوائنٹ اخبارتازہ ترین - این این آئی۔ 18 جون2025ء) پاکستان19سے 24 جون تک منعقد ہونیوالی 9ویں چین-جنوبی ایشیا ایکسپوزیشن اور 29ویں چین کٴْنمنگ درآمد و برآمد میلے میں بھرپور شرکت کرے گا جس کا مقصد گزشتہ سال قومی پویلین کے ساتھ اعزازی ملک کے طور پر حاصل کردہ کامیابی کو مزید آگے بڑھانا ہے۔ پاکستانی قونصل جنرل چنگدو تنویر احمد بھٹی نے چائنا اکنامک نیٹ (سی ای این) کو انٹرویو میں بتایا کہ گزشتہ چند سالوں سے پاکستان ایکسپو میں سب سے زیادہ اسٹالز رکھنے والے ممالک میں شامل رہا ہے۔

اس سال تقریباً 100 پاکستانی کمپنیاں اور 180 سے زائد کاروباری نمائندے شرکت کر رہے ہیں، جو کہ کلاسیکی لکڑی کا فرنیچر، قیمتی پتھر، پیتل کی اشیائ ، ہاتھ سے بنے قالین، اور روایتی ملبوسات سمیت مختلف مصنوعات کی نمائش کریں گے۔

(جاری ہے)

چائنہ اکنامک نیٹ کے مطابق انہوں نے کہاہم پاکستان کی بہترین مصنوعات کی نمائش کریں گے ، پاکستانی اعلیٰ معیار کی کاریگری، ڈیزائن اور نفاست۔

" قونصل جنرل کے مطابق ہر اسٹال پر فروخت عام طور پر "دس ہزاروں یوآن" تک پہنچ جاتی ہے۔یہ ایکسپو چین اور جنوبی ایشیا کے درمیان بڑھتی ہوئی تجارت کی اہمیت کو اجاگر کرتی ہے، جو 2024 میں تقریباً 200 ارب ڈالر تک پہنچ گئی ظ جو ایک دہائی پہلے کے مقابلے میں دوگنا ہے۔ چائنہ اکنامک نیٹ کے مطابق سفارتکار نے مزید کہا چین-پاکستان آزاد تجارتی معاہدہ (CPFTA) اور سی پیک کے دوسرے مرحلے کے باعث پاکستان کو اپنی برآمدی بنیاد کو مزید وسعت دینے کا موقع ملا ہے۔

حالیہ نباتاتی اور حیواناتی معیارات (phytosanitary protocols) کی منظوری سے چیری، اٴْبلا ہوا گوشت، اور ڈیری مصنوعات جیسی اشیائ کے لیے نئی منڈیاں کھل گئی ہیں۔اس سال کی ایکسپو میں جن صنعتوں کو اجاگر کیا جائے گا اٴْن میں گرین انرجی، جدید زراعت، صحت کی دیکھ بھال، اور ثقافتی سیاحت شامل ہیں۔ چائنہ اکنامک نیٹ کے مطابق قونصل جنرل بھٹی نے کہا ہم چینی حکام کے شکر گزار ہیں کہ وہ ہمیں مسلسل اتنا بڑا پلیٹ فارم فراہم کرتے ہیں تاکہ ہم اپنی مصنوعات کی نمائش کر سکیں۔

"منتظمین کے مطابق، 2013 میں شروع ہونے والی چین-جنوبی ایشیا ایکسپو میں اب تک 30,000 سے زائد نمائش کنندگان شرکت کر چکے ہیں، اور اس دوران تجارتی لین دین کا حجم 3 ٹریلین یوآن (413.4 ارب ڈالر) سے تجاوز کر چکا ہے۔ اس سال کی ایکسپو میں جنوبی ایشیا کے لیے دو الگ ہال قائم کیے گئے ہیں، جن میں تقریباً 800 اسٹالز موجود ہیں۔