شہری کا قیمتی سامان چرانے والا رکشہ ڈرائیور، سیف سٹی کیمروں کی مدد سے گرفتار

سیف سٹی کے جدید کیمروں کی مدد سے جرائم کی فوری ٹریسنگ ممکن ہو رہی ہے‘ترجمان سیف سٹی

جمعہ 20 جون 2025 17:08

لاہور (اُردو پوائنٹ اخبارتازہ ترین - این این آئی۔ 20 جون2025ء) شہری کا قیمتی سامان چرانے والے رکشہ ڈرائیور کو سیف سٹی کیمروں کی مدد سے گرفتارکر لیا گیا ۔ترجمان سیف سٹیز کے مطابق شہری کا قیمتی سامان گرنے پر رکشہ ڈرائیور سامان اٹھا کر موقع سے فرار ہو گیا تھا، جھنگ سے متاثرہ شہری نے ایمرجنسی ہیلپ لائن 15پر کال کرکے سیف سٹی سے مدد طلب کی۔

(جاری ہے)

ورچوئل پیٹرولنگ افیسر نے سیف سٹی کیمروں سے رکشہ ڈرائیور کو ٹریس کرنا شروع کیا، جدید اے این پی آر ٹیکنالوجی سے رکشہ کی شناخت اور روٹ ٹریس کیا گیا، سیف سٹی کی نشاندہی پر پولیس نے ملزم کو گرفتار کرلیا۔

شہری نے قیمتی سامان واپس ملنے پر سیف سٹی کا شکریہ ادا کیا اور بروقت ریسپانس کو سراہا۔ ترجمان سیف سٹی نے کہا کہ سیف سٹی کے جدید کیمروں کی مدد سے جرائم کی فوری ٹریسنگ ممکن ہو رہی ہے۔شہری کسی بھی ایمرجنسی کی صورت میں 15پر فوراً اطلاع دیں۔