ایشین یوتھ نیٹ بال چیمپئن شپ کے لئے 12 رکنی قومی ٹیم کااعلان

ہفتہ 21 جون 2025 16:52

اسلام آباد (اُردو پوائنٹ اخبارتازہ ترین - اے پی پی۔ 21 جون2025ء) پاکستان نیٹ بال فیڈریشن نے ایشین یوتھ نیٹ بال چیمپئن شپ کے لئے 12 رکنی قومی ٹیم کے کھلاڑیوں کااعلان کردیا ہے۔ ایشین یوتھ نیٹ بال چیمپئن شپ 27 جون سے 4 جولائی تک کوریا میں کھیلی جائے گی۔ گزشتہ روز پاکستان نیٹ بال فیڈریشن کے صدر ثمین ملک نے بتایا کہ 12 رکنی قومی ٹیم میں پیرسہ عباس، امانی فواد غریب، علینہ مایا غریب، لیا رضا شاہ، علیشا عامر نوید، اسراء عمر ملک، حلیمہ سکینہ صفدر، سرینا نسیم حسین، سمایا صفیہ احمد، سمیہ کوثر صفدر، جیسمین الزبتھ فاروق، فرح شیری راس راشد شامل ہیں جبکہ مدثر رزاق ٹیم مینیجر اور امانڈا آرلین، ہیڈ کوچ ہونگی۔

ہارونہ باریو زمان کو اسسٹنٹ منیجر/کوچ اور عرفان سعدیہ حسین کو پرائمری کیئر مقرر کیا گیا ہے۔

(جاری ہے)

چیمپئن شپ میں گیارہ ملکوں کی ٹیمیں حصہ لے رہی ہیں جن کو دو گروپوں میں تقسیم کیا گیا ہے۔ گروپ اے میں؛ ملائیشیا، سنگاپور، سری لنکا، ہانگ کانگ اور ہندوستان شامل ہیں۔ پاکستان کو گروپ بی میں چائنیز تائپے، جاپان، کوریا مالدیپ اور سعودی عرب کے ساتھ رکھا گیا ہے۔ پاکستان اپنے گروپ بی میں پانچ لیگ میچ کھیلے گا۔ پاکستان اپنا پہلا میچ سعودی عرب کے ساتھ 27 جون کوکھیلے گا۔ دوسرا میچ 28 جون کو چائنیز تائپے کے ساتھ، تیسرا میچ کوریا کے ساتھ 29 جون کو جبکہ پاکستان اپنے گروپ میں اپنا چوتھا اور پانچواں میچ جاپان اور مالدیپ کے ساتھ بالترتیب 30 جون اور یکم جولائی کو کھیلے گا۔