اسرائیلی فوج کا ایرانی اہداف پرمزید حملے کرنے کا دعویٰ

پیر 23 جون 2025 11:54

تل ابیب (اُردو پوائنٹ اخبارتازہ ترین - اے پی پی۔ 23 جون2025ء) اسرائیلی فوج نے ایرانی فوجی اہداف پر مزید حملے کرنے کا دعویٰ کرتےہوئے کہا ہے کہ ان حملوں کے اہداف میں ایران کی میزائل لانچنگ اور سٹوریج سائٹس شامل ہیں۔

(جاری ہے)

اے ایف پی کے مطابق اسرائیلی فوج نے ٹیلی گرام پر پوسٹ کئے گئے ایک بیان میں کہااسرائیلی فضائیہ کے تقریباً 20 لڑاکا طیاروں نے ایران میں فوجی اہداف پر 30 سے زیادہ بموں کا استعمال کرتے ہوئے انٹیلی جنس پر مبنی حملے کئے ہیں، یہ حملے سٹوریج اور میزائل لانچنگ انفراسٹرکچر سائٹس کے ساتھ ساتھ فوجی سیٹلائٹس اور ریڈار سائٹس پر بھی کئے گئے۔

دریں اثنا ایرانی ذرائع ابلاغ نے ملک کے شمال مغربی حصوں پر اسرائیلی فضائی حملوں کی تصدیق کرتے ہوئے کہا ہے کہ وسطی ایران میں ایک ایمبولینس پر اسرائیلی حملے کے نتیجے میں کم از کم تین افراد جاں بحق ہو گئے۔