Live Updates

ایران کے قطرحملے سے کوئی جانی نقصان نہیں ہوا،امریکہ

ایران کی یہ حکمت عملی 2020 میں قاسم سلیمانی کے قتل کے بعد جیسی ہے،حکام

منگل 24 جون 2025 11:52

واشنگٹن (اُردو پوائنٹ اخبارتازہ ترین - این این آئی۔ 24 جون2025ء)امریکی محکمہ دفاع کے ایک عہدیدار نے کہا ہے کہ ایران نے قطر میں امریکی العدید ایئر بیس پر بیلسٹک میزائل داغے ہی جس میں کوئی جانی نقصان نہیں ہوا۔ واشنگٹن کو حملے کا پہلے سے اندازہ تھا۔میڈیارپورٹس کے مطابق اہلکار نے کہا کہ میں تصدیق کر سکتا ہوں کہ العدید ایئر بیس پر آج ایران کی جانب سے مختصر اور درمیانے فاصلے تک مار کرنے والے بیلسٹک میزائلوں سے حملہ کیا گیا۔

(جاری ہے)

اس وقت امریکی ہلاکتوں کی کوئی اطلاع نہیں ہے۔ امریکی ذرائع کے حوالے سے بتایا کہ امریکی فوج کو قطر میں العدید ایئر بیس پر ایرانی حملے کا علم تھا۔ ذرائع نے وضاحت کی ہے کہ امریکی فوج نے اپنے اڈوں پر ایرانی حملے کے لیے تیاری کر رکھی تھی اور وہ اس کی توقع کر رہی تھی اور اسے کوئی تعجب نہیں ہوا۔ رائٹرز نے یہ بھی رپورٹ کیا ہے کہ ایران نے قطر پر حملے شروع کرنے سے چند گھنٹے قبل امریکہ کو آگاہ کردیا تھا اور دوحہ کو بھی مطلع کیا تھا۔