اداکاراحد رضا میرکامایوں کی تقریب میں رقص ،وائرل ہونے والی ویڈیو نے نئی بحث چھیڑ دی

یہ قیاس آرائیاں کی جارہی ہیں کہ احد دوسری شادی کر رہے ہیں اور یہ انہیں کی شادی کی تقریبات کا آغاز ہے

منگل 24 جون 2025 13:11

اداکاراحد رضا میرکامایوں کی تقریب میں رقص ،وائرل ہونے والی ویڈیو نے ..

کراچی (اُردو پوائنٹ اخبارتازہ ترین - این این آئی۔ 24 جون2025ء)پاکستان شوبز کے اداکار احد رضا میر کی ویڈیو سوشل میڈیا پر وائرل ہو رہی ہے جس نے ایک نئی بحث چھیڑ دی ہے۔ سوشل میڈیا پر گردش کرنے والی اس ویڈیو میں احد رضا میر کو بیرون ملک میں مایوں کی تقریب میں رقص کرتے دیکھا جاسکتا ہے جبکہ ان کے ساتھ ان کے خاندان کے چند افراد بھی موجود ہیں جو ان کے ساتھ ڈھول کی تھاپ پر بھنگڑا ڈال رہے ہیں۔

(جاری ہے)

اس ویڈیو کے سامنے آنے کے بعد یہ قیاس آرائیاں کی جارہی ہیں کہ احد دوسری شادی کر رہے ہیں اور یہ انہیں کی شادی کی تقریبات کا آغاز ہے۔ ویڈیو کے کمنٹ سیکشن پر صارفین دلچسپ تبصرے کر رہے ہیں۔تاہم سوشل میڈیا کے چند پلیٹ فارمز پر یہ بھی کہا جارہا ہے کہ یہ احد کی شادی نہیں بلکہ ان کی کزن کی شادی کی تقریب ہے۔ یہاں دلچسپ بات یہ بھی ہے کہ اس تقریب میں احد رضا میر کی ساتھی اداکارہ دنانیر مبین بھی اپنی بہن اور والدہ کے ہمراہ شریک ہیں جن کو احد رضا میر کی والدہ کیساتھ تصاویر میں دیکھا جاسکتا ہے۔