کوئٹہ، مزدا بس اورپٹرول سے بھرے لوڈنگ رکشے میں تصادم ، 6 مسافرجاں بحق 10 افراد زخمی

کوئٹہ(اردوپوائنٹ اخبار تازہ ترین۔24جون 2025)کوئٹہ میں کوئٹہ، مزدا بس اورپٹرول سے بھرے لوڈنگ رکشے میں تصادم کے نتیجے میں 6 مسافرجاں بحق 10 افراد زخمی ہوگئے،حادثے میں زخمی کئی افراد کی حالت تشویشناک، واقعہ کی اطلاع ملتے پولیس کی بھاری نفری،ریسکیو اہلکار اور فائر بریگیڈ کا عملہ موقع پر پہنچ گیا، فائر بریگیڈ کے عملہ نے فوری طور پر بس میں لگی آگ پر قابو پا لیاجبکہ ریسکیو اہلکاروں نے لاشوں و زخمیوں کو فوری طور پر ہسپتال منتقل کر دیا۔

بتایا گیا ہے کہ افسوسناک حادثہ کوئٹہ میں مغربائی پاس کے قریب پیش آیاجہاں اندرون شہر چلنے والی مزدا بس اور پیٹرول سے بھرے لوڈنگ رکشے میں تصادم کے بعد بس میں آگ بھڑک اٹھی جس کے باعث حادثے میں 6 مسافر جھلس کر جاں بحق جبکہ 10 افراد زخمی ہو گئے۔

(جاری ہے)

ریسکیو ذرائع کے مطابق مزدا بس نواں سے ہزار گنجی جا رہی تھی کہ راستے میں پیٹرول سے لوڈ رکشے سے ٹکرا گئی۔

ٹکر کے فوراً بعد رکشے میں موجود پیٹرول نے آگ پکڑ لی، جس نے پوری بس کو لپیٹ میں لے لیا۔ریسکیو حکام کے مطابق جاں بحق کی لاشیں اور زخمیوں کو ہسپتال منتقل کردیا گیا، جہاں کچھ زخمیوں کی حالت تشویشناک ہے، ہلاکتوں میں اضافے کا خدشہ ہے۔ذرائع کے مطابق پولیس کی ٹیم جائے وقعہ پر پہنچ گئی۔ وین میں آگ لگنے کی وجوہات جاننے کیلئے تفتیش شروع کردی گئی ہے۔

پولیس نے جائے حادثہ کو گھیرے میں لے کر تحقیقات شروع کر دی ہیں۔یاد رہے کہ چند روز قبل بھی جلالپور بھٹیاں میں تیز رفتار بس کی درخت سے ٹکر، 3 مسافر جاں بحق، 3 مسافر جاں بحق جبکہ 18 زخمی ہوگئے تھے۔ جاں بحق اور زخمیوں کا تعلق سندھ سے بتایا گیاتھا۔واقعہ کی اطلاع ملتے ہی ریسکیو اہلکار جائے حادثہ پر پہنچ گئے اور لاشوں و زخمیوں کو فوری طور پر ہسپتال منتقل کردیا گیا تھا۔

بتایا گیا تھا کہ افسوسناک حادثہ جلالپوربھٹیاں کے قریبی علاقہ میں پیش آیاجہاں موڑ کاٹتے ہوئے بس ڈرائیور سے قابو ہوگئی اور درخت سے جا ٹکرائی تھی۔ مسافر بس مظفر گڑھ سے گجرات جا رہی تھی۔ پولیس نے موقع پر پہنچ کر قانونی کارروائی شروع کر دی تھی۔ پولیس کامزید کہنا تھا کہ بس میں سوار مسافروں کا تعلق سندھ سے تھا جوگجرات جارہے تھے۔ واقعہ کی تفتیش شروع کر دی گئی تھی۔

قبل ازیں بھی پنجاب کے علاقہ لیہ میں لیہ میں نواں کوٹ کے قریب تیز رفتار مسافر بس الٹنے سے افسوسناک حادثہ پیش آیاتھا جس کے نتیجے میں 3 افراد جاں بحق اور ایک ہی خاندان کے 38 افراد زخمی ہو گئے تھے۔ریسکیو ذرائع کے مطابق حادثہ اس وقت پیش آیا جب لاہور سے کروڑ لعل عیسن جانے والی بس بے قابو ہو کر الٹ گئی تھی۔ بس بی بی پاک دامن لاہور سے روانہ ہوئی تھی اور اس میں مجموعی طور پر 82 افراد سوار تھے جن میں سے 62 افراد بس کے اندر اور 20 افراد بس کی چھت پر سوار تھے۔ریسکیو ٹیموں نے بروقت کارروائی کرتے ہوئے امدادی سرگرمیاں انجام دیں تھیں جبکہ حادثے کی وجوہات جاننے کیلئے تحقیقات کا آغاز کر دیا گیا تھا۔