ایران نے اپنے سے بڑے دشمن کا جارحانہ مقابلہ اور شاندار دفاع کیا، خواجہ آصف

ایران اور اسرائیل کے درمیان جنگ بندی خوش آئند ہے ، وزیر دفاع کی میڈیا سے گفتگو

منگل 24 جون 2025 17:22

ایران نے اپنے سے بڑے دشمن کا جارحانہ مقابلہ اور شاندار دفاع کیا، خواجہ ..

اسلام آباد (اُردو پوائنٹ اخبارتازہ ترین - این این آئی۔ 24 جون2025ء)وفاقی وزیر دفاع خواجہ آصف نے ایران اور اسرائیل کے درمیان جنگ بندی کو خوش آئند قرار دیتے ہوئے کہا ہے کہ ایران نے اپنے سے بڑے دشمن کا جارحانہ انداز میں مقابلہ اور شاندار طریقے سے دفاع کیا ہے۔

(جاری ہے)

قومی اسمبلی میں صحافیوں سے گفتگو کرتے ہوئے خواجہ آصف نے کہا کہ جس طرح ایران نے ڈٹ کر مقابلہ کیا ہے اس پر ایرانی عوام اور حکومت کو خراج تحسین پیش کرتا ہوں۔

خواجہ آصف نے کہا کہ مسلمانوں کو حالیہ دنوں میں 2 بار فتح نصیب ہوئی ہے، جڑواں فتوحات ’عالم اسلام‘ کی کامیابی کا ثبوت ہیں، اب دعا ہے اللہ غزہ کے مسلمانوں پر رحم کرے۔واضح رہے کہ ایران اور اسرائیل کے درمیان 12 روز تک جاری رہنے والی خون ریز جنگ کے خاتمے پر فریقین کا اتفاق ہوگیا ہے۔