ایبٹ آباد، پہلا شہدائے پولیس سپورٹس کمپٹیشن، بیڈمنٹن اور والی بال کے مقابلے جاری

منگل 24 جون 2025 17:43

ایبٹ آباد (اُردو پوائنٹ اخبارتازہ ترین - اے پی پی۔ 24 جون2025ء) انسپکٹر جنرل آف پولیس ذوالفقار حمید کے احکامات پر اور ڈی آئی جی ہزارہ ناصر محمود ستی کی ہدایات پرپہلےشہدائے پولیس سپورٹس کمپٹیشن میں بیڈمنٹن اور والی بال کے مقابلے جاری ہیں۔

(جاری ہے)

والی بال کے پہلے میچ میں ایبٹ آباد نے بٹگرام پولیس جبکہ دوسرے میچ میں ہری پور نے تورغر پولیس کو شکست دے کر اگلے مرحلے کے لیے کوالیفائی کر لیا جبکہ بیڈمنٹن فی میل کے مقابلوں میں ایبٹ آباد کی ٹیم اور ہری پور ڈسٹرکٹ ٹیموں نے اگلے مرحلے کے لیے کوالیفائی کر لیا ۔

والی بال کے میچ کے مہمان خصوصی شہید کانسٹیبل زاہد کے بھائی جبکہ دوسرے میچ میں شہید کانسٹیبل نعیم کے صاحبزادے تھے ۔بیڈمنٹن کے میچ کے مہمان خصوصی ایبٹ آباد پولیس کے شہید کانسٹیبل خان باز کے صاحبزادے اور دوسرے میچ میں ایبٹ آباد پولیس کے شہید کانسٹیبل عبدالوحید کے ماموں تھے۔