26نومبر احتجاج؛ تھانہ کراچی کمپنی کے مقدمے میں 3 ملزمان پر فرد جرم عائد

انسداد دہشت گردی عدالت نے کیس کی اگلی سماعت پر استغاثہ کے گواہان کو طلب کر لیا

بدھ 25 جون 2025 13:26

اسلام آباد(اُردو پوائنٹ اخبارتازہ ترین - این این آئی۔ 25 جون2025ء)انسداد دہشت گردی عدالت اسلام آباد نے 26 نومبر احتجاج پر درج تھانہ کراچی کمپنی کے مقدمے میں 3 ملزمان پر فرد جرم عائد کر دی۔اے ٹی سی کے جج طاہر عباس سپرا نے پی ٹی آئی رہنمائوں اور ورکرز کے خلاف 26 نومبر احتجاج پر درج مقدمات سے متعلق کیس پر سماعت کی۔عدالت نے کیس کی اگلی سماعت پر استغاثہ کے گواہان کو طلب کر لیا۔

(جاری ہے)

استغاثہ کے گواہان کی جانب سے اپنے بیانات ریکارڈ کروائے جائیں گے۔بشری بی بی اور علی امین گنڈا پور بھی متعلقہ مقدمہ میں نامزد ملزمان ہیں، دونوں ملزمان میں عبوری ضمانت پر ہیں۔ علی امین گنڈا اور بشری بی بی کی حد تک تاحال مقدمے کا چالان پیش نہیں ہوا۔سردار محمد مصروف خان وار آمنہ علی ایڈووکیٹ عدالت میں پیش ہوئے۔ عدالت نے کیس کی مزید سماعت 13 جولائی تک ملتوی کر دی۔پی ٹی آئی رہنمائوں اور کارکنان کے خلاف تھانہ کراچی کمپنی میں مقدمہ درج ہے۔