Live Updates

ن لیگ عوام کی جماعت ہے، عوامی خدمت، فلاح و بہبود اور گڈگورننس کے اہداف کو ہر صورت پورا کیا جائے گا، مریم نواز

صوبے بھر میں یکساں ترقیاتی کام کررہے ہیں، اس سال بھی عوام کی بھر پور خدمت کی کوشش جاری رہے گی، وزیراعلیٰ پنجاب سے سپیکر پنجاب اسمبلی کی ملاقات،، مریم نواز نے بجٹ اجلاس کے کامیاب انعقاد پر ملک احمد خان کو مبارکباد

فیصل علوی بدھ 25 جون 2025 13:45

ن لیگ عوام کی جماعت ہے، عوامی خدمت، فلاح و بہبود اور گڈگورننس کے اہداف ..

لاہور(اردوپوائنٹ اخبار تازہ ترین۔25جون 2025)وزیراعلیٰ پنجاب مریم نواز نے کہا ہے کہ ن لیگ عوام کی جماعت ہے ، عوامی خدمت، فلاح و بہبود اور گڈگورننس کے اہداف کو ہر صورت پورا کیا جائے گا، صوبے بھر میں یکساں ترقیاتی کام کررہے ہیں، ایک سال میں عوام کی بھرپور خدمت کی بہترین کاوش کی ہے، وزیراعلیٰ پنجاب سے سپیکر پنجاب اسمبلی ملک احمد خان نے ملاقات کی، مریم نواز نے بجٹ اجلاس کے کامیاب انعقاد پر سپیکر پنجاب اسمبلی کو مبارکباد دیتے ہوئے کہا بجٹ میں تعلیم، صحت اور ڈویلپمنٹ کیلئے فنڈزمختص کرنے کا ریکارڈ قائم کیا گیا۔

سپیکر پنجاب اسمبلی ملک احمد خان نے عوامی فلاحی بجٹ پیش کرنے پر وزیراعلیٰ مریم نواز شریف سے اظہار تشکر کیا۔اس موقع پر گفتگو کرتے مریم نوازنے کہاکہ اس سال بھی عوام کی بھر پور خدمت کی کوشش جاری رہے گی۔

(جاری ہے)

ن لیگ عوام کی جماعت ہے۔ طلبا کولیپ ٹاپ اور ہونہار سکالر شپ دیکر احسان نہیں حق ادا کررہے ہیں۔ انہوں نے کہا کہ بجٹ 26-2025 میں تعلیم، صحت اور ڈویلپمنٹ کیلئے سب سے زیادہ فنڈز مختص کرنے کا ریکارڈ قائم کیا گیا۔

عوامی خدمت، فلاح و بہبود اور گڈگورننس کے اہداف کو ہر صورت پورا کیا جائے گا۔ میری پوری توجہ عوام کی فلاح و بہبود پر ہے ایک سال میں عوام کی بھرپور خدمت کی بہترین کاوش کی ہے اس سال بھی کوشش جاری رہے گی۔صوبے بھر میں عوامی فلاح و بہبود کے منصوبے جاری رہیں گے۔پوری کوشش ہے کہ بجٹ میں عوام کو زیادہ سے زیادہ ریلیف دیا جائے۔عوام کی خدمت ہی میرا نصب العین ہے۔قائد نواز شریف کے ویژن کے مطابق عوام کی زیادہ سے زیادہ سہولیات دینگے۔اس موقع پر گفتگو کرتے ہوئے سپیکر ملک محمد احمد نے کہا کہ وزیراعلیٰ پنجاب نے ٹیکس فری بجٹ دیکر عوام کا دل جیت لیا۔ ڈویلپمنٹ پراجیکٹس اور عوامی فلاحی اقدامات کیلئے نواز شریف اور شہباز شریف کی روایت کو آگے بڑھایا ہے۔