ڈپٹی کمشنر چمن کا گورنمنٹ ماڈل ہائیر سیکنڈری سکول کا اچانک دورہ

بدھ 25 جون 2025 17:50

کوئٹہ (اُردو پوائنٹ اخبارتازہ ترین - اے پی پی۔ 25 جون2025ء) ڈپٹی کمشنر چمن حبیب احمد بنگلزئی نے گورنمنٹ ماڈل ہائیر سیکنڈری سکول کا اچانک دورہ کیا۔ انہوں نے تمام کلاسوں کا معائنہ کرتے ہوئے اساتذہ کی حاضریاں چیک کیں ۔اس دوران ڈی سی چمن نے مختلف کلاسوں میں طلباءسے مختلف مضامین سے متعلق سوالات بھی کیے، اس دوران اپنے کلاسز میں نمایاں کارکردگی کا مظاہرہ کرنے والے طلبہ میں انعامات بھی تقسیم کیے گئے۔

(جاری ہے)

آخر میں ڈپٹی کمشنر نے پرنسپل سمیع الحق اور وائس پرنسپل غلام سرور کو ہدایات جاری کرتے ہوئے کہا کہ تمام کلاسوں میں اساتذہ کی حاضریوں کو مکمل طور پر یقینی بنایا جائے اور کمزور کلاسوں میں حال ہی میں تعینات کیے گئے اساتذہ کو موثر طریقے سے کنٹرول میں رکھا جائے تاکہ بچوں کو معیاری تعلیم فراہم کی جا سکے ۔انہوں نے اساتذہ کیساتھ بات چیت کرتے ہوئے کہا کہ بچوں کی تعلیم و تربیت دونوں پر خصوصی توجہ دی جائے ۔