Live Updates

عمران خان کو کسی صورت مائنس نہیں کیا جا سکتا،بانی پی ٹی آئی کی لیڈر شپ میں ساری پارٹی مضبوط ہے، بیرسٹرگوہر

کوئی غلط فہمی میں نہ رہے بانی پی ٹی آئی لیڈر تھے ہیں اور رہیں گے،بانی پی ٹی آئی عوامی لیڈر ہیں،وہ ناکردہ جرم میں جیل میں بیٹھے ہوئے ہیں،چیئرمین پی ٹی آئی کی پارلیمنٹ ہاؤس کے باہر میڈیا سے گفتگو

فیصل علوی جمعرات 26 جون 2025 13:32

عمران خان کو کسی صورت مائنس نہیں کیا جا سکتا،بانی پی ٹی آئی کی لیڈر ..

اسلام آباد(اردوپوائنٹ اخبار تازہ ترین۔26جون 2025)پاکستان تحریک انصاف کے چیئرمین بیرسٹرگوہر کا کہنا ہے کہ بانی پی ٹی آئی عمران خان کو کسی صورت مائنس نہیں کیا جا سکتا، بانی پی ٹی آئی کی لیڈر شپ میں ساری پارٹی مضبوط ہے،کوئی غلط فہمی میں نہ رہے بانی پی ٹی آئی لیڈر تھے ہیں اور رہیں گے،پارلیمنٹ ہاؤس میں میڈیا سے گفتگو کرتے ہوئے چیئرمین پی ٹی آئی نے کہاکہ کوئی غلط فہمی میں نہ رہے بانی پی ٹی آئی لیڈر تھے ہیں اور رہیں گے۔

انہوں نے کہا کہ ایک بات واضح کر دوں بانی پی ٹی آئی عمران خان کسی صورت مائنس نہیں کیاجاسکتا۔بانی پی ٹی آئی عوامی لیڈر ہیں،وہ ناکردہ جرم میں جیل میں بیٹھے ہوئے ہیں۔خیال رہے کہ گزشتہ روز بھی پاکستان تحریک انصاف کے چیئرمین بیرسٹرگوہر علی کا کہنا تھا کہ بانی پی ٹی آئی عمران خان کو بڑے بڑے مائنس کرنا چاہتے تھے مگر وہ نہیں کر سکے تھے۔

(جاری ہے)

بانی پی ٹی آئی نے حکم دیا تو خیبر پختونخواہ کی اسمبلی تحلیل کردیں گے۔ یہ بانی پی ٹی آئی کی اسمبلی ہے ان کا ووٹ ہے وہ جیسے کہیں گے ویسا ہوگا۔جوڈیشل کمپلیکس کے باہر میڈیا سے گفتگو کرتے ہوئے چیئرمین پی ٹی آئی کاکہناتھا کہ یہ ووٹ ہمارا نہیں بلکہ بانی پی ٹی آئی عمران خان کا ہے، یہ ووٹ ہمارا نہیں بلکہ بانی پی ٹی آئی عمران خان کا تھا۔ خیبرپختونخواہ کا بجٹ پاس نہیں ہوا۔

بجٹ پاس ہونے میں ابھی بھی کچھ دن باقی ہیں۔ بانی پی ٹی آئی جو حکم کریں گے وہ ہم مانیں گے۔ اسمبلی تحلیل کا کہیں گے تو کر لیں گے۔ اگر بانی پی ٹی آئی نہ ہوتے تو مجھے میرے خاندان والے بھی ووٹ نہ دیتے۔انہوں نے کہا تھاکہ عدالتوں نے مایوس کیا ہے لیکن اللہ سے امید ہے کہ کہیں نہ کہیں سے تو بانی پی ٹی آئی کو انصاف ملے گا۔بانی پی ٹی آئی کیخلاف 300 مقدمات درج ہوئے۔

جیل جانے سے پہلے وہ 350 پیشیاں بھگت چکے تھے۔ پانچ دن کے اندر بانی پی ٹی آئی کو تین سزائیں ہوئیں جس میں 45 سال کی سزا سنائی گئی۔گفتگو کے دوران بیرسٹرگوہر کا مزید یہ بھی کہنا تھا کہ بانی پی ٹی آئی کی اہلیہ کو بھی سزائیں دی گئیں۔ کتابیں تک نہیں دینے دے رہے، رولز کی خلاف ورزی کر کے ملاقاتیں نہیں کرنے دیتے۔یاد رہے کہ اس سے قبل بھی گفتگو کرتے ہوئے پاکستان تحریک انصاف کے چیئرمین بیرسٹر گوہرکاکہناتھاکہ ہماری جیتی ہوئی سیٹوں کے مطابق مخصوص نشستیں ہمیں ملیں گی۔ ہمیں سپریم کورٹ سے توقع ہے کہ انصاف ملے گا۔ امید ہیں ۃ مخصوص نشستیں ہمیں ملیں گی۔دوسری پارٹیوں کو مال غنیمت کے طور پر مخصوص نشستیں نہیں دی جاسکتیں۔