معروف فیشن ڈیزائنر اور اداکار دیپک پروانی نے اپنی دولت سے متعلق گردش کرنے والی خبروں کی تردید کردی

جمعرات 26 جون 2025 14:39

کراچی(اُردو پوائنٹ اخبارتازہ ترین - این این آئی۔ 26 جون2025ء)پاکستان کے معروف فیشن ڈیزائنر اور اداکار دیپک پروانی نے اپنی دولت سے متعلق گردش کرنے والی خبروں کی تردید کردی۔ سن 2022 میں ایک رپورٹ سامنے آئی تھی جس میں دعوی کیا گیا تھا کہ دیپک پروانی پاکستان کے سب سے دولت مند ہندو ہیں اور ان کی کل دولت قریب 71 کروڑ پاکستانی روپے ہے۔

(جاری ہے)

یہ میڈیا رپورٹ 3 برسوں سے سوشل میڈیا کے مختلف پلیٹ فارمز یہاں تک کہ بھارتی میڈیا پر بھی گردش کرتی رہی تاہم اب فیشن ڈیزائنر نے خود اس خبر کو افواہ اور جعلی خبر قرار دے دیا ہے۔

ایکس پر ایسی ہی ایک رپورٹ کو ری پوسٹ کرتے ہوئے دیپک نے اس خبرتردید کی جس میں انہیں پاکستان کا سب سے امیر ترین ہندو شخص قرار دیا گیا تھا۔ انہوں نے اس پوسٹ کے ساتھ لکھا کہ یہ مضحکہ خیز تھا تاہم اب اور یہ پروپیگنڈہ نہیں چلے گا۔ 'بہت ہوگیا اب جعلی پروپیگنڈہ، یہ مضحکہ خیز تھا لیکن اب اور نہیں'۔