چوہدری شافع حسین سے اراکین اسمبلی کی ملاقات ،ترقیاتی سکیموں کی پیشرفت بارے بات چیت

جمعرات 26 جون 2025 22:31

لاہور (اُردو پوائنٹ اخبارتازہ ترین - آن لائن۔ 26 جون2025ء) پاکستان مسلم لیگ پنجاب کے جنرل سیکرٹری وصوبائی وزیر صنعت و تجارت چوہدری شافع حسین سے پارٹی کے اراکین اسمبلی نے ان کے آفس میں ملاقات کی اور اپنے حلقوں میں جاری ترقیاتی سکیموں پر پیش رفت سے آگاہ کیا۔ صوبائی وزیر صنعت و تجارت چوہدری شافع حسین نے اراکین اسمبلی سے گفتگو کرتے ہوئے کہا کہ ترقیاتی سکیموں کی بروقت ،شفاف اور معیاری تکمیل یقینی بنائی جائے۔

عوامی فلاح کی سکیموں کی بروقت تکمیل یقینی بنانے کیلئے دن رات کام کیا جائے۔ اراکین اسمبلی پنجاب کی ترقی میں اپنا موثر کردار ادا کریں۔صوبائی وزیر نے کہا کہ منتخب نمائندے عوام سے قریبی رابطہ رکھیں اور لوگوں کے مسائل کے حل پر توجہ دیں۔پاکستان مسلم لیگ (ق ) کے اراکین اسمبلی کی جلد وزیر اعلیٰ پنجاب سے ملاقات کا اہتمام کیا جائے گا۔

(جاری ہے)

انہوں نے کہا کہ اراکین اسمبلی پارٹی کو ہر سطح منظم اور فعال کرنے کیلئے دن رات کام کریں۔

چوہدری شافع حسین نے کہا کہ اسلام امن وسلامتی کا درس دیتا ہے۔محرم الحرام کے دوران امن اور بھائی چارے کی فضا برقرار رکھنے کے لئے ہر ایک کو اپنا کردار ادا کرنا ہے۔اس لئیے امن کی فضا برقرار رکھنے کیلئے اراکین اسمبلی اپنے متعلقہ اضلاع کی انتظامیہ سے رابطے میں رہیں۔صوبائی وزیر نے کہا کہ امن کے دشمنوں پر کڑی نظر رکھی جائے اور مشکوک افراد کے بارے متعلقہ اداروں فوراً آگاہ کیا جائے۔ہم سب نے مل کر محرم الحرام کے پر امن انعقاد کو یقینی بنانا ہے۔ پاکستان مسلم لیگ کے اراکین اسمبلی نے کہا کہ ترقیاتی کاموں کی بروقت تکمیل یقینی بنانے کیلئے اپنا بھرپور کردار ادا کریں گے۔