Live Updates

صرف بانی پی ٹی آئی کو جوابدہ ہوں‘ علی امین گنڈاپور

ابھی آئی ایم ایف کا پروگرام آرہا ہے ہمارا بھی یہی رویہ ہوگا، کسی بھی فنانس میٹنگ میں شرکت نہیں کر رہے ہیں‘جیل کے باہر گفتگو

جمعہ 27 جون 2025 15:20

صرف بانی پی ٹی آئی کو جوابدہ ہوں‘ علی امین گنڈاپور

راولپنڈی(اُردو پوائنٹ اخبارتازہ ترین - این این آئی۔ 27 جون2025ء) وزیراعلیٰ خیبر پختونخوا علی امین گنڈا پور نے کہا ہے کہ وہ صرف بانی پی ٹی آئی کو جواب دہ ہیں۔اڈیالہ جیل کے باہر میڈیا سے گفتگو کرتے ہوئے علی امین گنڈا پور نے کہا کہ صوبائی بجٹ آئینی بحران سے بچنے کے لیے تھا، وہ بار بار کہہ چکے ہیں کہ دو دو ماہ سے انہیں بانی پی ٹی آئی سے نہیں ملنے دیا گیا۔

(جاری ہے)

انہوں نے کہا کہ وہ وزیراعلیٰ پنجاب مریم نواز سے پوچھتے ہیں کہ یہاں آپ کی حکومت ہے، کیا آپ ملنے نہیں دے رہیں بطور وزیراعلیٰ ان کا حق ہے کہ وہ جیل کا دورہ کریں اور کسی بھی قیدی سے ملاقات کریں، وہ ایک بندے کو جواب دہ ہیں اور وہ بانی پی ٹی آئی ہیں۔علی امین گنڈا پور نے وفاق کو خبردار کیا کہ ابھی آئی ایم ایف کا پروگرام آرہا ہے ہمارا بھی یہی رویہ ہوگا، کسی بھی فنانس میٹنگ میں شرکت نہیں کر رہے ہیں، مالی مسائل آنے دیں، پھر ان سے کہیں گے کہ ملاقات نہیں چاہیے، بانی پی ٹی آئی کا بیان چاہیے۔انہوں نے مزید کہا کہ تحریک انصاف کے رہنماؤں کو آج بھی بانی پی ٹی آئی سے ملاقات کی اجازت نہیں ملی، جو سازش تھی وہ ناکام ہوگئی، اپنے اور صوبے کے حالات کو دیکھ کر فیصلہ کریں گے۔