یوم عمرفاروق اعظم پراہلسنت والجماعت کے تحت ملک بھر میں مدح صحابہ جلوس

کراچی(اُردو پوائنٹ اخبارتازہ ترین - این این آئی۔ 27 جون2025ء)امیرالمومنین خلیفہ دوم سیدناعمرفاروق اعظم کے یوم شہادت پرعام تعطیل نہ کرنے اوراسے سرکاری سطح پرنہ منائے جانے کیخلاف اہلسنت والجماعت کراچی ڈویژن کے تحت حسب سابق لسبیلہ چوک سے عظیم الشان مدح صحابہمطالباتی جلوس نکالاگیا،جس میں ہزاروں کی تعدادمیں مختلف طبقہ ہائے زندگی سے تعلق رکھنے والے افرادنے شرکت کی،شرکا جلوس سے خطاب کرتے ہوئے صدر اہلسنت والجماعت پاکستان علامہ اورنگزیب فاروقی، علامہ رب نواز حنفی،سیدمحی الدین شاہ،،مولاناعبدالرافع شاہ بخاری،مولاناعمرمعاویہ،قاری عبدالوہاب،اشرف میمن،مولاناشکیل فاروقی،امیرفضل خالق،مولاناعادل عمر،مولاناحمیدسعدی،کامران فاروقی مولاناسیف الرحمن عباسی و دیگرنے خطاب کیا علامہ اورنگزیب فاروقی نے سندھ حکومت کی دوغلی پالیسی پر شدید برہمی کا اظہار کیا اور کہا کہ سندھ حکومت جان بوجھ کر انارکی پھیلا رہی ہے،تعجب اس بات پر ہے کہ سندھ حکومت کو خلیفہ ثانی حضرت عمر فاروق کے نام سے تکلیف کیوں ہے،یکم محرم الحرا م کو نکلنے والا مدح صحابہ جلوس ایک عرصے سے نکل رہا ہے،ہم کسی صورت کوئی رکاوٹ برداشت نہیں کریں گئے،ہم نے تو ہمیشہ محبت اور اتفاق کی بات کی ہے،عشرہ فاروق و حسین منانا اتحاد و یگانگت کی علامت ہیں،مجھے کچھ علاقوں سے یہ بھی رپورٹ مل رہی ہے کہ عشرہ فاروق و حسین کے بینر اتارے جارہے ہیں اور سندھ سرکار کی سرپرستی میں اتارے گئے، اگر دوبارہ وہاں پینا فلیکس نہ لگائے گئے تو ہم اس رویے پر بھر پور جواب دیں گئے،ارباب اقتدار اور ریاستی ادارے اس صورتحال پر غور کریں محرم کے آتے ہیں سندھ حکومت کی طرف سے ایسی صورتحال جان بوجھ کر پیدا کی جاتی ہے،اگر ایسی بھیانک سازش سے کوئی فساد پھیلتا ہے یا امن وامان کا مسئلہ پیدا ہوتا ہے تو سندھ حکومت زمہ دار ہوگی،میں میڈیا سے گزارش کروں گا کہ ہمارے اس محبت و یگانگت کے پیغام کو آگے پھیلائیں ارباب اقتدار تک پہنچائیں۔

(جاری ہے)

سیدنا عمرفاروق عظیم صحابی اور مراد رسول ہیں، سیدناعمر کے اسلام میں داخل ہونے کے بعد مسلمانوں کو قوت حاصل ہوئی، نبی اکرم ؓنے آپ کے بارے میں ارشاد فرمایا کہ میں آخری نبی ہوں میرے بعد کوئی نبی نہیں لیکن اگر کوئی نبی ہوتا تو عمر ہوتا،سندھ حکومت ایک مخصوص طبقہ کونوازنے کیلئے متعصبانہ،غیرآئینی اورغیرجمہوری ہتھکنڈوں سے بازآجائے،متعصبانہ فیصلے ہم کبھی بھی قبول نہیں کریں گے، سیدنا ابوبکر صدیق کے بعد سیدناعمر مسلمانوں کے دوسرے خلیفہ راشد بنے،سیدنا عمرکے دور حکومت میں مسلمانوں نے بڑی بڑی حکومتوں کو زیر کیا اور اس دور کی سمجھی جانے والی سپر پاور مملکتوں کو فتح کیا، سیدناعمر نے اپنے دور حکومت میں ایسا عادلانہ نظام نافذ کیا جس کی نظیر رہتی دنیا تک مل نہیں سکتی، سیدنا عمر کی سیرت و کردار سے مسلمانوں کو آگاہ کرنے کیلئے اہلسنت والجماعت پاکستان گزشتہ 40سالوں سے یوم عمر منانے کا اہتمام کرتی ہے، ہمارا مطالبہ ہے کہ سیدناعمرکے یوم شہادت پر ملک بھر میں عام تعطیل کا اعلان اور اس دن کو سرکاری سطح پر منانے کا اعلان کیا جائے تاکہ مسلمان اپنے عظیم رہنما کی سیرت و کردار سے آگاہ اور انکے نقش قدم پر عمل پیرا ہوکر اپنے دین و وطن کی ترقی کا باعث بنیں۔