انجمن تبلیغ قرآن وسنت پشاور کا محرم الحرام کے پہلے عشرہ میں 9 روزہ شہدائے اسلام کانفرنس کا شیڈول جاری

ہفتہ 28 جون 2025 18:10

پشاور (اُردو پوائنٹ اخبارتازہ ترین - اے پی پی۔ 28 جون2025ء) پشاور، انجمن تبلیغ قرآن وسنت پشاور نے محرم الحرام کے پہلے عشرہ میں 9 روزہ شہدائے اسلام کانفرنس کا شیڈول جاری کر دیا ہے، انجمن کے ضلعی جنرل سیکرٹری مولانا حسین احمد مدنی ایڈوکیٹ نے کہا ہے کہ امیر مفتی محمد شہاب الدین پوپلزئی نے تمام پروگراموں کی حتمی منظورہ دے دی ہے جس کے مطابق پہلا جلسہ 2 محرم الحرام جامع مسجد چمن والی شیخ آباد، 3 محرم الحرام جامع مسجد صدیق اکبر اخون آباد نمبر 3، 4 محرم الحرام جامع مسجد نوشو بابا فردوس چوک، 5 محرم الحرام چوک کبھی محلہ اندرون لاہوری گیٹ، 6 محرم الحرام جامع مسجد پھوڑگراں چوک ناصر خان،7 محرم الحرام جامع مسجد قاسم علی خان قصہ خوانی، 8 محرم الحرام جامع مسجد ہشتنگری چوک، 9 محرم الحرام جامع مسجد مدنی نمک منڈی اور 10 محرم الحرام آخری جلسہ چوک فاروق اعظم رض کوہاٹی گیٹ میں منعقد ہوگا۔

(جاری ہے)