Live Updates

کراچی میں بارش کے بعد کے الیکٹرک کے 350 سے زائد فیڈرز بند

سب سے زیادہ بارش گلشن معمار میں ریکارڈ کی گئی جہاں 23 ملی میٹر بارش ہوئی

ہفتہ 28 جون 2025 19:35

کراچی(اُردو پوائنٹ اخبارتازہ ترین - این این آئی۔ 28 جون2025ء)کراچی میں موسلا دھار بارش کے بعد کے الیکٹرک کے 350 سے زائد فیڈرز بند ہوگئے۔کراچی کے مختلف علاقوں میں موسلا دھار بارش کا سلسلہ جاری ہے جس کے باعث کے الیکٹرک کے 350 سے زائد فیڈرز ٹرپ ہوگئے اور بجلی کی فراہمی معطل ہوگئی۔ڈی ایچ اے، گلشن اقبال، گلستان جوہر، سرجانی ٹان، اورنگی اور بلدیہ ٹان سمیت متعدد علاقوں میں بجلی منقطع ہوگئی۔

(جاری ہے)

کے الیکٹرک نے ابھی تک بہت سے متاثرہ علاقوں میں بجلی کو مکمل طور پر بحال نہیں کیا جس سے شہریوں کی مشکلات میں اضافہ ہوگیا ہے۔گزشتہ تین دنوں کے دوران شہر بھر میں 1110 سے زائد فیڈرز ٹڑپ کرگئے جس سے گلبہار، ناظم آباد، لانڈھی، کورنگی، سائٹ اور گڈاپ کے علاقے متاثر ہوئے ہیں۔علاوہ ازیں محکمہ موسمیات نے کراچی میں بارشوں کے تفصیلی اعدادوشمار جاری کردیے ہیں۔اعداد و شمار کے مطابق سب سے زیادہ بارش گلشن معمار میں ریکارڈ کی گئی جہاں 23 ملی میٹر بارش ہوئی ہے۔ سرجانی ٹان میں 22 ملی میٹر اور سعدی ٹان میں 17 ملی میٹر بارش ریکارڈ کی گئی۔یونیورسٹی روڈ پر 11 ملی میٹر جبکہ شاہراہ فیصل پر 9 ملی میٹر بارش ریکارڈ کی گئی۔