وزیراطلاعات کی فہیم سردار کی وفات پر لواحقین سے اظہار افسوس

اتوار 29 جون 2025 14:55

اسلام آباد(اُردو پوائنٹ اخبارتازہ ترین - این این آئی۔ 29 جون2025ء)وزیر اطلاعات آزاد حکومت ریاست جموں وکشمیر پیر محمد مظہر سعید شاہ نے نیشنل سیکورٹی ڈویژن پاکستان کے سینئر پالیسی analyst فہیم سردار کی وفات پر انکے گھر جا کر اہلخانہ سے اظہار تعزیت کیا۔ وزیر اطلاعات کے ہمراہ حافظ محمد طاہر خطیب بلوچستان ہاؤس اسلام آباد بھی موجود تھے۔

(جاری ہے)

وزیر اطلاعات نے اس موقع پر مرحوم فہیم سردار کی اہلیہ فائزہ فہیم اور بیٹے یوسف فہیم سے تعزیت کرتے ہوئے مرحوم کے بلندی درجات اور لواحقین کے لیے صبر جمیل کی دعا کی۔

وزیر اطلاعات نے کہا کہ فہیم سردار صاحب سیرت اور خوش اخلاق انسان تھے، اللہ رب العزت انکی مغفرت فرمائے اور لواحقین کو صبر جمیل عطا فرمائے۔ مرحوم فہیم سردار بریگیڈیئر سردار احمد مرحوم کے فرزند تھے اور مرحوم نے وزیر اطلاعات پیر محمد مظہر سعید شاہ اور حافظ محمد طاہر کے ہمراہ نیشنل ڈیفنس یونیورسٹی اسلام آباد کے زیر اہتمام منعقدہ نیشنل سیکورٹی ورکشاپ 25 میں شریک تھے۔