جیکب آباد پولیس نے پی پی ایچ آئی کے مغوی ڈرائیورکو ساتھی سمیت بازیاب کرالیا ایمبولینس بھی برآمد ،ملزمان گرفتا ر نہ ہوسکے

پیر 30 جون 2025 19:05

جیکب آباد(اُردو پوائنٹ اخبارتازہ ترین - این این آئی۔ 30 جون2025ء)جیکب آباد پولیس نے پی پی ایچ آئی کے مغوی ڈرائیورکو ساتھی سمیت بازیاب کرالیا ایمبولینس بھی برآمد ،ملزمان گرفتا ر نہ ہوسکے تفصیلات کے مطابق جیکب آباد پولیس نے پٹھان واہ کے قریب آپریشن میں پی پی ایچ آئی کے مغوی ڈرائیور انور عباسی اور علی نواز سہاگ کو بازیا ب کراکے ایمبولینس برآمد کرنے کا دعوی کیا ہے جبکہ اغوا کار گرفتار نہ ہوئے ،مغویوں کی باحفاظت بازیابی پر ایس ایس پی جیکب آباد محمد کلیم ملک نے پولیس ٹیم کو شاباش دی اور انعامات دینے کا اعلان کیا اس موقع پر ایس ایس پی جیکب آباد محمد کلیم ملک صاحب کا کہنا ہے کہ عوام کی جان و مال کی حفاظت میری اولین ترجیحات میں شامل ہے۔