سعودی پٹرولیم کمپنی ’آرامکو‘ کا ایل پی جی اور کیروسین آئل کی قیمتوں میں اضافے کا اعلان

بدھ 2 جولائی 2025 08:40

ریاض (اُردو پوائنٹ اخبارتازہ ترین - اے پی پی۔ 02 جولائی2025ء) سعودی پٹرولیم کمپنی ’آرامکو‘ نے مقامی مارکیٹ کے لیے ایل پی جی گیس اور کیروسین آئل ’مٹی کے تیل‘ کی قیمتوں میں اضافے کا اعلان کیا ہے۔الشرق کے مطابق ایل پی جی(مائع پٹرولیم گیس) کی قیمت میں فی لٹر 1.09 ریال کا اضافہ کیا گیا ہے جبکہ جون 2024 میں 1.04 ریال فی لٹر تھا جو 4.8 فیصد ہے۔

(جاری ہے)

کیروسین تیل کی قیمت اضافے کے بعد فی لٹر 1.59 ریال ہوگئی ہے جبکہ سابقہ اضافہ 1.33 ریال تھا اس اعتبار سے اضافہ 19.5 فیصد ہے۔

آرامکو نے جون 2022 میں نرخوں پر نظر ثانی کرتے ہوئے گیس کی قیمت کو 0.75 سے بڑھا کر 0.90 ریال فی لٹر کردیا تھا جبکہ مٹی کے تیل کی قیمت میں 0.70 سے بڑھ کر 0.81 ریال فی لٹر کردی گئی تھی۔سال 2024 میں اضافے کے بعد گیس کی فی لٹر قیمت 1.04 ریال کر دی گئی جبکہ کیروسین آئل کے نرخ 1.33 ریال ہوگئے تھے۔