پاکستان ایئرپورٹ اتھارٹی نے ایئر کارگو ریٹس میں 100 گنا اضافہ کردیا

بدھ 2 جولائی 2025 14:18

لاہور(اُردو پوائنٹ اخبارتازہ ترین - این این آئی۔ 02 جولائی2025ء)پاکستان ایئرپورٹ اتھارٹی نے ایئرکارگو ریٹس میں 100 گنا اضافہ کردیا۔نوٹیفکیشن کے مطابق پروازوں میں پالتو پرندے، بلی کتے، پان کے پتے جنرل کارگو کے لئے نئے ریٹس جاری کئے گئے ہیں ، پالتو پرندوں کو پرواز میں لے جانے پر چارجز میں 50 فیصد اضافہ کیا گیا، پالتو طوطے،بلی کتے،پرندوں و جانوروں کے چارجز 200 روپے سے بڑھا کر 300 روپے فی کلو کر دئیے گئے ہیں۔

(جاری ہے)

پان کے پتے پر کارگو چارجز میں 100 فیصداضافہ کر دیا گیا ہے اور نئے ریٹس 70 روپے کلو کردئیے گئے۔جنرل کارگو کے نرخ میں 25 فیصد اضافے سے نئے ریٹس 125 روپے کلو ، ٹرانس شپمنٹ کے کارگو ریٹس اضافے کے بعد 15 روپے کلو مقررکردئیے گئے۔ائیرپورٹ اتھارٹی کے مطابق کارگو چارجز 5 سال بعد بڑھائے ہیں، اتھارٹی کی ایگزیکٹو کمیٹی نے تمام ایرپورٹس پر کارگو چارجز میں اضافے کی منظوری دی ہے۔