نادیہ خان کو فواد خان کے بارے میں عزت سے بات کرنی چاہیے، ثروت گیلانی

نادیہ خان فواد خان پر اس طرح بگڑیں جیسے وہ ان کے گھر کے ملازم ہیں،اداکارہ

بدھ 2 جولائی 2025 20:30

کراچی(اُردو پوائنٹ اخبارتازہ ترین - این این آئی۔ 02 جولائی2025ء)اداکارہ ثروت گیلانی نے فواد خان سے متعلق نادیہ خان کے بیان پر انہیں آڑے ہاتھوں لے لیا۔ حال ہی میں اداکارہ و میزبان نادیہ خان نے ساتھی اداکار فواد خان کو بھارت میں فلم کرنے پر انہیں شدید تنقید کا نشانہ بنایا تھا۔ اس پر ردعمل دیتے ہوئے اداکارہ ثروت گیلانی نے نادیہ خان کو تلقین کی کہ انہیں اپنے ہی ملک کے اسٹار کے بارے میں اس طرح کی گفتگو نہیں کرنی چاہیے۔

(جاری ہے)

ثروت گیلانی نے کہا کہ نادیہ خان فواد خان پر اس طرح بگڑیں جیسے وہ ان کے گھر کے ملازم ہیں، ان کا کہنا تھا کہ نادیہ کو فواد کے بارے میں عزت سے بات کرنی چایئے۔اداکارہ نے کہاکہ میری نادیہ خان سے یہ درخواست ہے کہ انہوں نے بھی ماضی میں بہت سی ایسی چیزیں کی ہیں وہ بھولیں نہیں کیونکہ وہ ہم سب کو یاد ہیں۔ ثروت نے مزید کہا کہ ہمارے ساتھی اداکاروں پر چاہے وہ کوئی بھی ہو، تنقید پاکستان سے ہو یا بھارت سے ہمیں نہیں اچھا لگتا۔