آئی جی پنجاب سے پولیس ملازمین و اہلخانہ کی ملاقات،مسائل سنے، ریلیف کیلئے احکامات جاری

جمعہ 4 جولائی 2025 00:20

لاہور (اُردو پوائنٹ اخبارتازہ ترین - اے پی پی۔ 04 جولائی2025ء) انسپکٹر جنرل پولیس پنجاب ڈاکٹر عثمان انور سے پولیس ملازمین اور انکے اہلخانہ نے سنٹرل پولیس آفس میں ملاقات کی،آئی جی نے پولیس ملازمین کے مسائل سنے اور فوری ریلیف کیلئے احکامات جاری کیے۔

(جاری ہے)

ترجمان کے مطابق ڈی ایس پی منیر احمد کی ٹرانسفر پوسٹنگ کی درخواست پر ایڈیشنل آئی جی سی سی ڈی کو ریلیف کی ہدایت کی،اسی طرح اے ایس آئی اعجاز احمد کی طبی مالی امداد کی درخواست پر ڈی آئی جی ویلفیئر اینڈ فنانس کو ریلیف کی ہدایت کی،لیڈی کک شمیم شرافت کی ٹرانسفر کی درخواست پر ایس پی ہیڈ کوارٹرز لاہور جبکہ سابقہ ڈرائیور کانسٹیبل خضر حیات کی سروس بحالی کی درخواست پر آر پی او ساہیوال کو ریلیف فراہم کرنے کے احکامات جاری کیے ہیں۔

آئی جی پنجاب ڈاکٹر عثمان انور نے ڈسپلن، ایڈمن، پروموشن اور ویلفیئر سے متعلقہ دیگر درخواستوں پر بھی احکامات جاری کئے۔