اے این ایف نے ملک کے مختلف شہروں میں منشیات سمگلنگ کے خلاف 9 کارروائیوں کے دوران 5 خواتین سمیت 7 ملزمان کو گرفتارکرلئے

جمعہ 4 جولائی 2025 13:40

اسلام آباد (اُردو پوائنٹ اخبارتازہ ترین - اے پی پی۔ 04 جولائی2025ء) انسداد منشیات فورس (اے این ایف)نے ملک کے مختلف شہروں میں منشیات سمگلنگ کے خلاف 9 کاروائیوں کے دوران 5 خواتین بشمول برطانوی نژاد پاکستانی خاتون سمیت 7 ملزمان کو گرفتار کر لیا۔ ترجمان اے این ایف کی جانب سے جاری بیان کے مطابق کارروائیوں میں 2 کروڑ 79 لاکھ روپے سے زائد مالیت کی 113.690 کلو گرام منشیات برآمد کرلی۔

اسلام آباد انٹرنیشنل ائیر پورٹ پر مانچسٹر جانے والی برطانوی نژاد پاکستانی خاتون کے سامان سے 1.032 کلو ہیروئن برآمد کرلی گئی۔علامہ اقبال انٹرنیشنل ایئرپورٹ پر کارگو آفس میں آسٹریلیا بھیجے جانے والے پارسل میں جذب شدہ 20.430 کلو آئس برآمد ہوئی۔ کراچی میں واقع کوریئر آفس میں لاہور بھیجے جانے والے پارسل سے 2.646 کلو ویڈ برآمد کر لی۔

(جاری ہے)

روہڑی سکھر میں واقع کوریئر آفس میں گوجرانولہ بھیجے جانے والے پارسل سے 600 گرام ہیروئن اور 500 گرام آئس برآمد کر لی۔

انڈس ہائی وے پر کوہاٹ کے قریب 2 خواتین کے قبضے سے 9.6 کلو چرس برآمد کر لی گئی۔ترکئی ٹول پلازہ جہلم کے قریب خاتون کے قبضے سے 182 گرام ہیروئن اور 500 گرام آئس برآمد کر کے ملزمہ کو گرفتار کرلیا۔ اسلام آباد موٹروے ٹول پلازہ کے قریب گاڑی سے 4 کلو ہیروئن اور 9 کلو آئس برآمد کر کے خاتون سمیت 2 ملزمان کو گرفتار کر لیا۔آر سی ڈی روڈ وِندر کے قریب گاڑی کے خفیہ خانوں سے 4 کلو ویڈ برآمد کرکے ملزم کو گرفتار کر لیا۔ خیبر کے غیرآباد علاقے شاہ کس میں اسمگلنگ کے لئے چھپائی گئی 61.2 کلو چرس برآمد کر لی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔