سپیکرپنجاب اسمبلی کا ریفرنس پارلیمان کی حرمت کی طرف پہلا قدم ہے،طلال چودھری

جمعہ 4 جولائی 2025 20:20

اسلام آباد (اُردو پوائنٹ اخبارتازہ ترین - این این آئی۔ 04 جولائی2025ء)وزیرمملکت داخلہ طلال چودھری نے کہا کہ سپیکرپنجاب اسمبلی کا ریفرنس پارلیمان کی حرمت کی طرف پہلا قدم ہے۔اپنے بیان میں طلال چودھری نے کہا کہ پنجاب اسمبلی میں ہنگامہ آرائی اورگالم گلوچ ناقابل برداشت ہے، اسمبلیوں کوگالم گلوچ کا اکھاڑا بنایا جارہا ہے۔انہوں نے کہا کہ سپیکرپنجاب اسمبلی نیگالم گلوچ کرنیوالیارکان کیخلاف ریفرنس بھیجا ہے، دستورگالم گلوچ،گریبان پکڑنے کی اجازت نہیں دیتا، اپوزیشن کے رویے نے سپیکرکوانتہائی اقدام پر مجبور کیا۔

طلال چودھری نے کہا کہ پی ٹی آئی دورمیں پنجاب اسمبلی قائمہ کمیٹیوں کے بغیرچلتی رہی، سپیکرپنجاب اسمبلی کا ریفرنس پارلیمان کی حرمت کی طرف پہلا قدم ہے۔

(جاری ہے)

وزیر مملکت نے کہا کہ خیبرپختونخوا میں عوام کی فلاح کیلئے ایک بھی منصوبہ شروع نہیں کیا گیا، خیبرپختونخوا میں سڑکیں ٹوٹ پھوٹ کا شکارہیں، صوبے میں کرپشن عروج پرہے ، عوام علاج کی بہترسہولتوں سے محروم ہیں، سوات واقعہ میں متاثرہ خاندان مدد کیلئے پکارتا رہا مگرکوئی نہ پہنچا۔

انہوںنے کہاکہ پنجاب میں عوام کی فلاح وبہبود کے منصوبوں کا جال بچھایا جارہا ہے، پنجاب میں عوام کومفت ادویات مل رہی ہیں، تمام الاؤنس لینے کے باوجود یہ لوگ صرف اسمبلی میں گالیاں دینے آتے ہیں، اپوزیشن عوام کی نمائندگی کی بجائے ذاتی سیاست کررہی ہے، اڈیالہ سے حکم آنے کے بعد حلف سیروگردانی کی جاتی ہے۔