وزیراعظم کا کراچی میں رہائشی عمارت گرنے سے جانی نقصان پر افسوس کا اظہار

جمعہ 4 جولائی 2025 21:21

خانکندی(اُردو پوائنٹ اخبارتازہ ترین - این این آئی۔ 04 جولائی2025ء)وزیراعظم شہباز شریف نے کراچی میں رہائشی عمارت گرنیکے باعث ہونے والے جانی نقصان پر گہرے دکھ اور افسوس کا اظہارکیا ہے۔

(جاری ہے)

جاری بیان کے مطابق وزیراعظم نے حادثے میں جاں بحق ہونے والوں کے درجات کی بلندی کی دعا کی اور ان کے اہل خانہ سے تعزیت کا اظہار بھی کیا۔ وزیر اعظم نے حادثے میں زخمی ہونے والوں کو ہر ممکن طبی سہولیات فراہم کرنے اورعمارت کے ملبے تلے دبے افراد کو بچانے کے حوالے سے ریسکیو آپریشن تیز کرنے کی ہدایت کرتے ہوئے کہا کہ مستقبل میں ایسے حادثات سے بچاو کے لئے ترجیحی بنیادوں پر حکمت عملی مرتب کی جائے۔