کورونا ویکسین سے ہارٹ اٹیک میں اضافے کا تاثر درست نہیں‘ سی ای او ڈریپ

کچھ بیماریاں خاموش قاتل کا کردار ادا کرتی ہیں، بلڈ پریشر اور شوگر ان میں سے ہیں‘ ڈاکٹر عبید اللہ

ہفتہ 5 جولائی 2025 14:22

لاہور(اُردو پوائنٹ اخبارتازہ ترین - این این آئی۔ 05 جولائی2025ء)پاکستان میں ہارٹ اٹیک میں تشویشناک حد تک اضافہ ہوگیا،بیماریوں سے اموات میں سے 55فیصد کی وجہ دل کا عارضہ ہے۔

(جاری ہے)

تازہ تحقیق کے مطابق پاکستان میں بیماریوں سے ہونے والی اموات میں نصف سے زیادہ کی وجہ دل کا عارضہ ہے جبکہ سی ای او ڈریپ ڈاکٹر عبید اللہ نے کورونا ویکسین سے ہارٹ اٹیک میں اضافے کا تاثر رد کر تے ہوئے کہا کہ کچھ بیماریاں خاموش قاتل کا کردار ادا کرتی ہیں، بلڈ پریشر اور شوگر ان میں سے ہیں۔

جگر اور گردے کے جو امراض ہیں وہ اس وقت ظاہر ہو رہے ہوتے ہیں جب ہمارے اعضا ئ90فیصد اس سے متاثر ہو چکے ہوتے ہیں یہ تمام چیزیں مل کر ہارٹ اٹیک کی وجہ بنتی ہیں۔ پروفیسر پڑھاتے ہوئے گر گئے اس کو ہم کورونا ویکن سے لنک کر رہے ہیں تو یہ بات درست نہیں۔