حکومت پنجاب کی تاریخی عمارتوں کی بحالی اولین ترجیح‘ڈاکٹر احسان بھٹہ

وزیراعلی ،چیف سیکرٹری تاریخی عمارتوں کی خوبصورتی کو برقرار رکھنے کیلئے کوشاں ہیں‘ سیکرٹری پرائس کنٹرول

ہفتہ 5 جولائی 2025 17:24

لاہور(اُردو پوائنٹ اخبارتازہ ترین - این این آئی۔ 05 جولائی2025ء)سیکرٹری پرائس کنٹرول اینڈ کموڈٹیز مینجمنٹ ڈیپارٹمنٹ پنجاب ڈاکٹر احسان بھٹہ نے کہا کہ تاریخی عمارتوں کی اصل حالت میں بحالی حکومت پنجاب کی اولین ترجیح ہے،وزیراعلی پنجاب مریم نواز اور چیف سیکرٹری زاہد زمان تاریخی عمارتوں کی خوبصورتی کو برقرار رکھنے کے لیے کوشاں ہیں۔ وہ گزشتہ روز شادی لال عمارت کا دورہ کرتے ہوئے افسران سے خطاب کر رہے تھے۔

اس موقع پر پنجاب کے پراجیکٹ ڈائریکٹر انٹیگریٹڈ ورک ریڈینس پراجیکٹ زوہیب مشتاق، کنسلٹنٹ ملک مقصود اور سابق ڈائریکٹر آرکیالوجی محمد حسن، ایس ڈی او اور سی اینڈ ڈبلیو کے افسران بھی موجود تھے۔ڈاکٹر احسان بھٹہ نے کہا کہ حکومت پنجاب نے ان کی بحالی کے لیے ضروری فنڈز مختص کیے ہیں اور ہم اس سلسلے میں ہر ممکن اقدام کریں گے۔

(جاری ہے)

انہوں نے کہا کہ الحمدللہ ایک اور اقدام بھی مکمل ہوا۔

اب گورنمنٹ کالج آف ٹیکنالوجی لٹن روڈ (سر شادی لال عمارت)کی بحالی جاری ہے۔ بحال شدہ عمارت میں دو گیلریاں (علم دین شہید گیلری اور سر شادی لال گیلری)قائم ہیں۔ سر شادی لال لاہور ہائی کورٹ کے پہلے چیف جسٹس (1920-1934) تھے جن کا تعلق اس اصل (برصغیر)سے تھا۔ یہ عمارت 1909 میں تعمیر کی گئی تھی۔انہوں نے بتایا کہ اس عمارت میں سب سے اہم بات یہ ہے کہ غازی علم دین شہید غازی کی اپیل سیشن جج نے 1929 میں سنی تھی۔

جہاں محمد علی جناح بھی تشریف لائے تھیہوئے۔ علم دین شہید کو بھی اسی عمارت میں حوالات میں رکھا گیا تھا۔تاریخی عمارت کی اہمیت کو اجاگر کرتے بوئے ڈاکٹر احسان بھٹہ نے بتایا کہ ہم نے نہ صرف 1909 کی تعمیر شدہ عمارت کو بحال کرنے بلکہ طلبا، تاریخ سے محبت کرنے والوں اور سیاحوں کی معلومات اور معلومات کے لیے یہ اقدامات کر رہے ہیں۔