فیصل آباد، تیز رفتار ٹرک نے موٹر سائیکل سوار خاندان کو کچل دیا

o حادثے میں میاں بیوی اور 6 سالہ بچے سمیت 3 افراد جاں بحق

ہفتہ 5 جولائی 2025 21:00

T فیصل آباد(اُردو پوائنٹ اخبارتازہ ترین - آن لائن۔ 05 جولائی2025ء)پنجاب کے شہر فیصل آباد میں تیز رفتار ٹرک نے موٹر سائیکل سوار خاندان کو کچل دیا، حادثے میں میاں بیوی اور 6 سالہ بچے سمیت 3 افراد جاں بحق ہوگئے۔

(جاری ہے)

تفصیلات کے مطابق افسوسناک ٹریک حادثہ فیصل آباد کی تحصیل تاندلیانوالہ کے نواحی گاؤں میں پیش آیا، جہاں موٹرسائیکل سوار 3 افراد کو سامنے سے آتے ہوئے تیز رفتار ٹرک نے کچل دیا، حادثے میں بچے سمیت 3 افراد جان کی بازی گئے۔ریسکیو ذرائع کے مطابق مرنے والوں میں میاں بیوی اور 6 سالہ بچہ شامل ہیں، جن کی لاشیں اسپتال منتقل کردی گئیں۔ذرائع کے مطابق حادثہ ٹرک کا ٹائر برسٹ ہونے کے نتیجے میں پیش آیا۔