Live Updates

مانسہرہ میں اچانک طغیانی کے باعث سیاحوں کا موٹر سائیکل نالے میں بہہ گیا، نوجوان جاں بحق

اتوار 6 جولائی 2025 12:30

مانسہرہ (اُردو پوائنٹ اخبارتازہ ترین - اے پی پی۔ 06 جولائی2025ء) مانسہرہ میں اچانک طغیانی کے باعث سیاحوں کا موٹر سائیکل نالے میں بہنے کے نتیجے میں نوجوان جاں بحق ہو گیا۔

(جاری ہے)

ریسکیو 1122 مانسہرہ کے مطابق گزشتہ رات 2 بجے کے قریب شدید طوفانی بارش کے باعث جابہ چناری فریش کے قریب نالے میں اچانک طغیانی آ گئی، جس کے نتیجے میں ناران سے واپس آنے والے راولپنڈی کے رہائشی نوجوانوں کا موٹر سائیکل تیز بہاؤ میں بہہ گیا۔

اس افسوسناک واقعے میں ایک نوجوان 18 سالہ شہباز پانی کی موجوں کی نذر ہو کر لاپتہ ہو گیا۔ واقعے کی اطلاع ملتے ہی ریسکیو 1122 مانسہرہ کی ٹیم نے فوری طور پر جائے وقوعہ پر پہنچ کر سرچ اینڈ ریسکیو آپریشن شروع کیا۔ نوجوان کی نعش گہوٹر کے مقام سے برآمد کر لی گئی جسے لواحقین کے حوالے کر دیا گیا۔