سرکاری سکولوں میں اساتذہ کی حاضری اور کارکردگی بہتر بنانے کیلئے جدید ٹیکنالوجی پر مبنی مانیٹرنگ نظام متعارف کرانے کا فیصلہ

پیر 8 ستمبر 2025 17:02

پشاور (اُردو پوائنٹ اخبارتازہ ترین - اے پی پی۔ 08 ستمبر2025ء) خیبرپختونخوا حکومت نے سرکاری سکولوں میں اساتذہ کی حاضری اور کارکردگی بہتر بنانے کے لیے جدید ٹیکنالوجی پر مبنی مانیٹرنگ نظام متعارف کرانے کا فیصلہ کر لیا۔ محکمہ ابتدائی و ثانوی تعلیم خیبرپختو نخوا کے مطابق محکمہ ابتدائی و ثانوی تعلیم نے ابتدائی مرحلے میں 130 کلاس رومز کو جدید نظام سے لیس کرنے کا منصوبہ بنایا ہے۔

(جاری ہے)

محکمہ ابتدائی و ثانوی تعلیم خیبرپختونخوا کے مطابق اس نظام کے تحت کلاس رومز کی نگرانی نہ صرف سکول پرنسپل بلکہ محکمہ تعلیم کے حکام بھی براہِ راست کر سکیں گے، اس مقصد کے لیے باقاعدہ کمانڈ اینڈ کنٹرول روم قائم کیا جائے گا جس پر 7 ملین روپے سے زائد لاگت آئے گی۔ محکمہ ابتدائی و ثانوی تعلیم خیبرپختو نخوا کے مطابق اس منصوبے کا مقصد اساتذہ کی حاضری یقینی بنانا، تدریسی عمل کو مؤثر بنانا اور تعلیمی معیار میں بہتری لانا ہے۔ محکمہ ابتدائی و ثانوی تعلیم خیبرپختو نخوا کے مطابق منصوبے کا ابتدائی ہوم ورک مکمل کر لیا گیا ہے اور منصوبے پر جلد عملدرآمد شروع کیا جائے گا۔