امریکا نے ایران کی جوہری تنصیبات پر کٴْھلم کھلا حملہ کرکے خطرناک مثال قائم کی: چین

پیر 7 جولائی 2025 22:38

پیرس (اُردو پوائنٹ اخبارتازہ ترین - آن لائن۔ 07 جولائی2025ء) چینی وزیر خارجہ وانگ ای نے کہا ہے کہ امریکا نے خود مختار ملک ایران کی جوہری تنصیبات پر کٴْھلم کھلا حملہ کرکے خطرناک مثال قائم کی۔ پیرس میں فرانسیسی وزیر خارجہ کے ساتھ مشترکہ پریس کانفرنس میں چینی وزیر خارجہ وانگ ای نے کہا کہ ایران جوہری مسئلے کا حقیقی حل مشرق وسطیٰ کے بنیادی مسئلے فلسطین کو حل کیے بغیر ممکن نہیں۔

(جاری ہے)

انہوں نے کہا کہ دو ریاستی حل ہی مشرق وسطیٰ کے بحران کا واحد عملی راستہ ہے، بین الاقوامی برادری اس کے لیے مؤثر اور عملی اقدامات اٹھائے۔ ان کا مزید کہنا تھاکہ امریکا نے خود مختار ملک ایران کی جوہری تنصیبات پر کٴْھلم کھلا حملہ کرکے خطرناک مثال قائم کی، اگر کوئی جوہری سانحہ ہوا تو پوری دنیا اس کی قیمت ادا کرے گی۔ انہوں نے کہا کہ پہلے طاقت پھر امن کا نظریہ محض طاقت کی منطق ہے اور طاقت امن نہیں لاسکتی۔