ٹیکس دہندگان اور ٹیکس حکام کے درمیان اعتماد سازی کاروباری ترقی کے لیے ناگزیر ہی: ناصر منصور قریشی

پیر 7 جولائی 2025 23:24

اسلام آباد(اُردو پوائنٹ اخبارتازہ ترین - آن لائن۔ 07 جولائی2025ء) اسلام آباد چیمبر آف کامرس اینڈ انڈسٹری (آئی سی سی آئی) کے صدر ناصر منصور قریشی نے صنعت کاری، روزگار کے مواقع پیدا کرنے، برآمدات کے فروغ اور قومی خزانے میں شراکت کے ذریعے پاکستان کی معاشی ترقی کو آگے بڑھانے میں تاجر برادری کے اہم کردار کو اجاگر کیا ہے۔ پیر کے روز کاروباری رہنماؤں کے مختلف وفود سے گفتگو کر تے ہوئے آئی سی سی آئی کے صدر نے شفاف، منصفانہ، اور ایک جوابدہ ٹیکس ماحول کی فوری ضرورت پر زور دیا، اور اسے ٹیکس دہندگان اور ٹیکس حکام کے درمیان اعتماد کو فروغ دینے کے لیے ضروری قرار دیا۔

ناصر منصور قریشی نے کہا کہ ایک''کاروبار دوست ٹیکس نظام کے تحت جہاں تاجر اور صنعتکار اعتماد کے ساتھ کام کر سکتے ہیں وہ معاشی ترقی کے لیے ناگزیر ہے،'' انہوں نے کہا کہ اس طرح کا نظام نہ صرف کاروبار کو بڑھانے میں مدد دے گا بلکہ ملک کی مجموعی اقتصادی خوشحالی میں بھی اہم کردار ادا کرے گا۔

(جاری ہے)

انہوں نے ٹیکس کے طریقہ کار کو آسان بنا کر، شکایات کے فوری حل کو یقینی بنا کر، اور ہراساں کرنے یا غیر ضروری تاخیر کے واقعات کو ختم کر کے کاروباری برادری کی ٹیکس سے متعلق حقیقی شکایات کو دور کرنے کی اہمیت پر زور دیا۔

آئی سی سی آئی کے صدر نے کہا کہ اس سلسلے میں ایک ہموار اور شفاف عمل سرمایہ کاروں کا اعتماد بحال کرنے میں مدد دے گا اور پاکستان میں طویل مدتی، پائیدار اقتصادی ترقی میں حصہ ڈالے گا۔انہوں نے اس موقع پر حکومت اور نجی شعبے کے درمیان فعال پالیسی کی وکالت اور مسلسل مشغولیت کے ذریعے کاروبار کے لیے سازگار ماحول کو فروغ دینے کے لیے ICCI کے عزم کاناعادہننبھینکیا۔