سیکرٹری خارجہ آمنہ بلوچ سے افغان وزارت خارجہ کے ڈائریکٹر جنرل مفتی نور احمد نور کی ملاقات

منگل 8 جولائی 2025 10:30

اسلام آباد (اُردو پوائنٹ اخبارتازہ ترین - اے پی پی۔ 08 جولائی2025ء) سیکرٹری خارجہ آمنہ بلوچ سے افغانستان کی وزارت خارجہ کے فرسٹ پولیٹیکل ڈویژن کے ڈائریکٹر جنرل مفتی نور احمد نور نے ’’پاکستان افغان سیاسی مشاورت ‘‘کے پہلے دور کے کامیاب اختتام پر یہاں ملاقات کی۔

(جاری ہے)

دفتر خارجہ کے مطابق سیکرٹری خارجہ آمنہ بلوچ نے اس موقع پر گفتگو کرتے ہوئے دونوں ملکوں کے درمیان تعلقات کو گہرا کرنے، خدشات کو دور کرنے اور علاقائی امن اور خوشحالی کو فروغ دینے کے لئے باقاعدہ روابط پر زور دیا۔