محمد رضوان نے اپنی کرکٹ تباہ کرلی : باسط علی

میں نے کہا تم اوپننگ کیوں کررہے ہو ، وہ بولا کہ مجھے این سی اے سے حکم آیا ہے، میں نے کہا کہ تم نے اپنی کرکٹ تباہ کرلی : سابق کرکٹر

ذیشان مہتاب منگل 8 جولائی 2025 13:42

محمد رضوان نے اپنی کرکٹ تباہ کرلی : باسط علی

کراچی (اردو پوائنٹ تازہ ترین اخبار ۔ 8 جولائی 2025ء ) پاکستان کے سابق کرکٹر باسط علی کا کہنا ہے کہ محمد رضوان نے اپنی کرکٹ تباہ کرلی۔

اے آر وائے پوڈ کاسٹ میں گفتگو کرتے ہوئے سابق کرکٹر باسط علی کا کہنا تھا کہ جب محمد رضوان نے پاکستان سپر لیگ (پی ایس ایل) میں اوپننگ کی تو میں نے کہا کہ تم اوپننگ کیوں کررہے ہو تو اُس نے کہا کہ مجھے این سی اے سے حکم آیا ہے، جس پر میں نے کہا کہ تم نے اپنی کرکٹ تباہ کرلی۔

باسط علی کا کہنا تھا کہ محمد رضوان نے اس کے بعد رنز بھی کئے، کیونکہ اوپنر کے پاس تو بہت چانس ہوتے ہیں، دائرہ مل رہا ہے، اپنے اپنے لئے کھیل رہے ہیں۔

باسط علی کا کہنا تھا کہ ٹی ٹوئنٹی میں یہ دیکھنا ہوگا کہ میچ فنشر کون ہے، گیم چینجر کون ہے، کس کے 10 بالز پر 20 رنز ہیں۔

(جاری ہے)

سابق کرکٹر کا کہنا تھا کہ آپ سمجھتے ہیں کہ شاید میچ اوپنر جتواتا ہے، ایسا نہیں ہے، میچ نیچے والے جتواتے ہیں، وہ نظر آجاتے ہیں، جیسے نیازی نظر آگیا کہ یہ بہت اچھا بلے باز ہے، آپ کی اپروچ ایسی ہونی چاہئے، مگر یہاں اپروچ نہیں ہے۔

سابق کرکٹر کا کہنا تھا کہ 90 کی دہائی سے بھی پہلے کی بات ہے، مجھے ایک دو بڑے بڑے ناموں نے کہا کہ یار اپنی جگہ مت دو، تو میں نے کہا کہ جو اچھا ہے وہ کھیلے گا، جسے اپنے بازو پر یقین ہے وہ کھیلے گا، وہاں پر میں نے انہیں شٹ اپ کال دی تھی، مگر اب وہی چیز ادھر سامنے آرہی ہے۔

انہوں نے کہا کہ نئے نام جیسے یہ حسن نواز ہے، یا معاذ اور نعیم، اگر آپ انہیں ابھی ٹیم میں لے لو گے تو ہم بولیں گے یار یہ تو کچا توڑ لیا۔۔ ہم پکا پلیئر نہیں بنا پا رہے۔

باسط علی کا کہنا تھا کہ انڈین پکا پلیئر بناکر لاتے ہیں، جیسے جیسوال ہوگیا، گِل ہوگیا، یہ پکے پلیئر ہیں، اُن کے پاس ٹیلنٹ ہم سے بہت زیادہ ہے۔