Live Updates

ٹیکساس‘ طوفانی بارشیں اور سیلاب سے ہلاکتوں کی تعداد 104 ہوگئی

منگل 8 جولائی 2025 22:47

ٹیکساس(اُردو پوائنٹ اخبارتازہ ترین - آن لائن۔ 08 جولائی2025ء) امریکی ریاست ٹیکساس میں طوفانی بارشیں اور سیلاب سے ہلاکتوں کی تعداد 104 ہوگئی۔میڈیا رپورٹس کے مطابق ٹیکساس میں طوفانی بارشوں اور سیلاب کی وجہ سے نظام زندگی شدید متاثر ہے، بارشوں اور سیلاب سے کیر کاؤنٹی کا علاقہ سب سے زیادہ متاثر ہوا ہے جہاں 84 لاشیں برآمد ہوئیں۔

(جاری ہے)

سمر کیمپ انتظامیہ نے کیمپ کی لاپتا 27 لڑکیوں اور کونسلرز کے ہلاک ہونے کی تصدیق کردی جبکہ 10 سے زائد لڑکیاں اور ایک اسٹاف ممبر تاحال لاپتا ہے جبکہ لاپتا درجنوں افراد کی تلاش کے لیے ہیلی کاپٹرز، کشتیوں اور ڈرونز کا استعمال کیا جارہا ہے۔

اس کے علاوہ دریائے گوادیلوپ کے کناروں پر سرچ آپریشن جاری ہے جس حوالے سے امدادی کارکنوں کا کہنا ہے کہ دریا کا پانی چند گھنٹوں میں کئی فٹ بلند ہو گیا تھا جس کی وجہ موسمی دباؤ اور مسلسل بارشیں ریکارڈ کی جارہی ہیں۔دوسری جانب ریاست میں مزید بارشوں کی پیشگوئی نے باقی علاقوں کے لیے خطرے کی گھنٹی بھی بجا دی ہے جس کے پیش نظر ریاست کے گورنر نے متاثرہ علاقوں میں ایمرجنسی نافذ کردی ہے۔