راولپنڈی میں جرائم کی روک تھام کے لئے سی پی او کی سربراہی میں اہم اجلاس

منگل 8 جولائی 2025 21:00

راولپنڈی (اُردو پوائنٹ اخبارتازہ ترین - اے پی پی۔ 08 جولائی2025ء) راولپنڈی میں بڑھتے ہوئے جرائم کی روک تھام کے حوالے سے سٹی پولیس آفیسر سید خالد ہمدانی کی سربراہی میں پولیس لائنز ہیڈ کوارٹرز اہم اجلاس منعقد ہوا ۔

(جاری ہے)

اجلاس میں ایس ایس پی آپریشنز، ڈویژنل ایس پیز، ایس پی سی آئی اے، ایس پی ہیڈکوارٹرز اور ایس ڈی پی اوز سمیت دیگر افسران نے شرکت کی، سی پی او سید خالد ہمدانی نے افسران کی کارکردگی کا جائزہ لیا اور ہدایات دیں، سی پی او سید خالد ہمدانی کا کہنا تھا کہ ڈویژنل ایس پیز پیٹرولنگ، پکٹنگ اور جنرل ہولڈ اپ کا مربوط پلان تیار کر کے عملدرآمد یقینی بنائیں، الحمداللہ، ہاؤس رابری اور گاڑیوں کی سنیچنگ پر مکمل کنٹرول کیا ہے، بڑی گاڑیوں کی چوری میں واضح کمی آئی ہے، بینک ڈکیتی کی کال پر فوری رسپانس سے کامیابی ملی، جرائم کی روک تھام کے حوالے سے کارکردگی کو مزید بہتر بنائیں، سرچ آپریشن کے دوران منشیات فروشوں اور جرائم پیشہ عناصر پر خصوصی فوکس کیا جائے، سابقہ ریکارڈ یافتگان کی کڑی نگرانی کی جائے، کرایہ داری اور ملازمین کے اندراج کو یقینی بنایا جائے، چوک چوراہوں میں گداگری کی روک تھام کو یقینی بنائیں، شہریوں کی جان و مال کی حفاظت اور انصاف کی فراہمی اولین ترجیح ہے جسے ہر صورت یقینی بنایا جائے گا۔