ون ڈے رینکنگ‘ بیٹرز میں بابر کی دوسری پوزیشن، ٹاپ ٹین آل راؤنڈرز میں کوئی پاکستانی شامل نہیں

بھارت کے شبمن گل کی پہلی پوزیشن ‘بولرز کی رینکنگ میں سری لنکا کے مہیش تھیکشانا کی پہلی پوزیشن برقرار‘شاہین کا 12واں نمبر

جمعرات 10 جولائی 2025 11:25

دبئی (اُردو پوائنٹ اخبارتازہ ترین - این این آئی۔ 10 جولائی2025ء)انٹرنیشنل کرکٹ کونسل (آئی سی سی) نے ون ڈے بیٹرز کی رینکنگ جاری کردی۔ آئی سی سی رینکنگ کے مطابق بیٹرز کی فہرست میں بھارت کے شبمن گل کی پہلی پوزیشن برقرار ہے جب کہ پاکستانی بیٹر بابراعظم کی دوسری اور بھارتی کپتان روہت شرما کی تیسری پوزیشن ہے۔

(جاری ہے)

بیٹرز رینکنگ میں سری لنکا کے چریتھ اسالانکا 2 درجہ بہتری کے بعد چھٹے نمبر پر اور کوشال مینڈس 10 درجہ بہتری کے بعد دسویں نمبر پر آگئے ہیں۔

دوسری جانب ون ڈے بولرز کی رینکنگ میں سری لنکا کے مہیش تھیکشانا کی پہلی پوزیشن برقرار ہے۔وانندو ہسارانگا 11 درجے بہتری کے بعد آٹھویں، رویندرا جڈیجہ ایک درجہ تنز لی کے بعد نویں نمبر پرپہنچ گئے ہیں جب کہ پاکستان کے شاہین آفریدی ایک درجہ تنزلی کے بعد 12 ویں نمبر پر چلے گئے ہیں۔آل راؤنڈرز کی رینکنگ میں افغانستان کے عظمت اللہ عمر زئی کی پہلی پوزیشن برقرار ہے جبکہ ٹاپ ٹین میں پاکستان کا کوئی آل راؤنڈر شامل نہیں ہے۔