قائداعظم کالج آف انجینئرنگ اینڈ ٹیکنالوجی ساہیوال میں پہلے کانووکیشن کا انعقاد

جمعرات 10 جولائی 2025 20:30

لاہور (اُردو پوائنٹ اخبارتازہ ترین - اے پی پی۔ 10 جولائی2025ء) یو ای ٹی لاہور کے ملحقہ قائداعظم کالج آف انجینئرنگ اینڈ ٹیکنالوجی ساہیوال میں پہلے کانووکیشن کا انعقاد کیا گیا۔کانووکیشن میں سول انجینئرنگ ڈیپارٹمنٹ سیشن 2021 کے 39 طلبا و طالبات کو اعزازی میڈلز اور اسناد سے نوازا گیا۔ وائس چانسلر یو ای ٹی ڈاکٹر شاہد منیر نے کانووکیشن میں بطور مہمان خصوصی شرکت کی اور طلبا میں اسناد اور اعزازی میڈلز تقسیم کیے۔

ڈاکٹر شاہد منیر نے اپنے خطاب میں فارغ التحصیل ہونے والے طلبا کو مبارکباد دی اور ان کی کامیابیوں کو سراہا۔ انہوں نے امید ظاہر کی کہ نوجوان انجینئرز ملک کی تعمیر و ترقی میں اپنا کلیدی کردار ادا کرتے ہوئے ملک کی تعمیر و ترقی میں حصہ لیں گے۔ تقریب میں یو ای ٹی لاہور کے ڈین سول انجینئرنگ ڈاکٹر خالد فاروق، رجسٹرار محمد آصف، کنٹرولر امتحانات محمد ضرغام نصرت اور ڈین کیمیکل، میٹلرجیکل اینڈ پولیمر انجینئرنگ ڈاکٹر نوید رمضان شامل تھے۔

(جاری ہے)

دیگر معزز مہمانوں میں وائس چانسلر یونیورسٹی آف ساہیوال ڈاکٹر جاوید اختر، پرنسپل گورنمنٹ گریجویٹ کالج ساہیوال ڈاکٹر ممتاز احمد، پرنسپل گورنمنٹ امامیہ ایسوسی ایٹ کالج محمد شہزاد رفیق، پرنسپل ڈی پی ایس اینڈ کالج بہاولنگر شفیق احمد، چیف انجینئر محکمہ آبپاشی ساہیوال انجینئر نعمان بیگ، ایگزیکٹو انجینئر ایل بی ڈی سی ساہیوال انجینئر طلحہ ذیشان افضل، ایگزیکٹو انجینئر سکھر ڈویژن انجینئر عمر ابرار اور جے ایس بینک لاہور کے بزنس ہیڈ وسیم ارشاد شامل تھے۔