وسطی کرم میں پک اپ کھائی میں جاگری، 7 افراد جاں بحق، 2 شدید زخمی

جمعہ 11 جولائی 2025 20:14

کرم (اُردو پوائنٹ اخبارتازہ ترین - آن لائن۔ 11 جولائی2025ء)وسطی کرم کے علاقہ گندال سے صدہ جانیوالی مسافر ڈاٹسن گہری کھائی میں گرنے سے سات افراد جاں بحق اور 2 زخمی ہوگئے‘ زخمیوں کو صدہ ہسپتال منتقل کردیا گیا۔

(جاری ہے)

پولیس ذرائع کے مطابق وسطی کرم کے علاقہ گندال سے صدہ جانیوالی مسافر گاڑی الٹ کر سیکڑوں فٹ گہری کھائی میں جاگری جس کے نتیجے میں 7 افراد موقع پر جاں بحق اور 2 زخمی ہوگئے۔دور دراز پہاڑی علاقے سے لوگوں نے زخمیوں کو کندھوں پر اٹھاکر بڑی مشکل سے سڑک تک پہنچایا جس کے بعد انہیں صدہ ہسپتال منتقل کردیا گیا، پولیس نے واقعے کی تحقیقات شروع کردی۔