شام کے صوبے اللاذقیہ کے جنگلات میں آتشزدگی15 ہزار ہیکٹر تک پھیل گئی

ہفتہ 12 جولائی 2025 10:30

دمشق (اُردو پوائنٹ اخبارتازہ ترین - اے پی پی۔ 12 جولائی2025ء) شام کے صوبے اللاذقیہ کے جنگلات میں آگ 15 ہزار ہیکٹر تک پھیل گئی ۔ العربیہ اردو نے شام کی وزارت ہنگامی امور و آفات کی رپورٹ کے حوالے سے بتایا کہ اللاذقیہ صوبے کے شمال میں پہاڑی جنگلاتی علاقے میں آگ لگی ہے جو 15 ہزار ہیکٹر کے رقبے پر پھیل گئی ہے۔رپورٹ کے مطابق 150 سے زیادہ فائر فائٹنگ ٹیمیں، سول ڈیفنس یونٹس اور رضاکار یونٹس آگ بجھانے میں حصہ لے رہے ہیں۔

(جاری ہے)

300 فائر ٹرکس اور درجنوں بھاری انجینئرنگ گاڑیاں اللاذقیہ میں بھیجی گئی ہیں، یہ گاڑیاں جنگلات کے علاقوں کو الگ کرنے اور آگ کے حفاظتی بند بنانے کے لیے استعمال ہوتی ہیں۔ترکیہ اور اردن سے فائر فائٹنگ ٹیمیں بھی کارروائیوں میں حصہ لے رہی ہیں اور توقع ہے کہ آئندہ چند گھنٹوں میں عراق سے یونٹس بھی شام پہنچ جائیں گے۔ ترکیہ ، اردن اور لبنان سے تعلق رکھنے والے ایئر فائر فائٹنگ فورس کے 16 طیارے جنگلاتی علاقے میں آگ بجھانے کے لیے استعمال کیے جا رہے ہیں۔رپورٹ میں کہا گیا ہے کہ ان تمام اقدامات کے باوجود تیز ہوائوں کے باعث آگ پھیل رہی ہے۔