کراچی،والد کے انتقال پر سعودیہ سے آئے نوجوان کو ڈکیتی مزاحمت پر قتل کرنے والا ایک ڈاکو گرفتار

ہفتہ 12 جولائی 2025 16:04

کراچی(اُردو پوائنٹ اخبارتازہ ترین - این این آئی۔ 12 جولائی2025ء)ڈسٹرکٹ ویسٹ پولیس نے اورنگی ٹائون میں سعودیہ سے والد کے انتقال پر آنے والے نوجوان جبران کو ڈکیتی مزاحمت پر قتل کرنے والے سفاک ڈاکو کو گرفتار کرلیا۔

(جاری ہے)

پولیس کے مطابق گرفتار ڈاکو پرویز نے 2 روز قبل 25 سالہ جبران کو ڈکیتی کے دوران فائرنگ کر کے قتل کیا تھا جبکہ نوجوان اپنے والد کے انتقال کے باعث سعودی عرب سے آیا ہوا تھا، جمعرات کی شب بھی ملزم کی فائرنگ سے ڈھائی سالہ بچہ معاویہ شدید زخمی ہوا تھا جسے بچے کے والد راحیل نے بھی شناخت کرلیا ہے۔گرفتار ڈکیت نے ابتدائی تحقیقات میں متعدد وارداتوں کا اعتراف کیا ہے جبکہ پولیس ملزم سے اس کے دیگر ساتھیوں کے بارے میں مزید معلومات حاصل کر رہی ہے۔